Kuna kwa Esi Ngalatia
5 Kadi muna luvevoko lwalu Kristu katuvevolwela. Dianu vo, nusikila,+ ke nuyisie diaka muna vangu kia ubundu ko.+
2 Nutala! Mono Paulu inuvovese vo avo nuzengelo, Kristu ke kala mfunu ko kwa yeno.+ 3 Mpovele diaka vo konso muntu ozengwa, una ye mbebe ya lunda o Nsiku wawonso.+ 4 Yeno nuvavanga lungisilwa muna nsiku, nuavambuka yo Kristu;+ nuakatuka muna nkenda zandi. 5 Vo i yeto, tuvingilanga ye tima diawonso vo twalungisilwa muna mwanda yo lukwikilu. 6 Kadi muna Kristu Yesu, o zengwa yovo lembi zengwa ke kuna mfunu ko,+ kansi o lukwikilu lusalanga kumosi yo zola i luna o mfunu.
7 Oyeno nuatoma tikunanga.+ Nani wanusima nualembi lemvokela e ludi? 8 Ndiona okulubokelanga ke yandi ko unulebele nuayambula lemvokela e ludi. 9 E mfuna yakete ifunisanga mbumba wawonso.+ 10 Ngina ye vuvu vo yeno nuna muna Mfumu+ ke nuyindula mankaka ko; kansi ndiona okunutokanesanga,+ kana nkutu nani, ovewa e tumbu kimfwanukini. 11 Vo i mono ampangi, avo yakinu longa o zengwa, ekuma yakinu bangikilwa? Ozevo, e sakuba dia nti ampasi*+ diakatulwa. 12 Nzolele vo akala ana bevavanga kunuvukumuna bakikitula se nzimba.
13 Ampangi, muna luvevoko nuabokelelwa; kansi ke nusadila luvevoko lwalu muna lungisa e zolela ya nitu ko,+ kansi nusalaziana kaka muna zola.+ 14 Kadi o Nsiku wawonso ulungisilu* muna nkanikinu mosi, oku vo: “Ofwete zola o nkwaku wauna okuyizolelanga.”+ 15 Kansi, avo nukwamanana tatika yo dia muntu yo nkwandi,+ nutoma keba nualembi vondaziana.+
16 Kansi mpovele, nukwamanana kangalela muna mwanda,+ ozevo ke nulunganisa nkutu e zolela ya nitu ko.+ 17 Kadi e nitu isianga mwanda e kitantu mu kuma kia zolela yandi, o mwanda mpe usianga nitu e kitantu; ke iwizananga ko, ozevo mambu mana nuzolele ke nuvanganga mo ko.+ 18 Kansi, avo lufilwanga kwa mwanda, ke luna kuna nsi a nsiku ko.
19 Mavangu ma nitu matomene senzama, i mau mama: mavangu ma zumba,*+ mavangu ma usafu, mavangu mansoni,*+ 20 sambila teke, mpandu,*+ kitantu, unzonzi, kimpala, makasi masaka, ntantani, mpambula, landa malongi ma wantu, 21 zinu, nkolwa,+ nkinzi miakondwa tezo ye mambu ma mpila yayi.+ Inulukisi diaka mu kuma kia mambu mama wauna yateka kunulukisila vo, awana bevanganga mambu mama e Kintinu kia Nzambi ke bevua kio ko.+
22 Kuna diaka e sambu, e mbongo a mwanda i zola, kiese, luvuvamu, luzindalalu, walakazi, wete,+ lukwikilu, 23 lulembamu, volo.+ Muna mambu mama ke muna nsiku ko. 24 Dianu vo, awana bavuilu kwa Kristu Yesu, bakomene nitu vana nti ye maketo ye zolela yandi.+
25 Avo tuzingidi mun’owu wa mwanda, yambula twakangalanga mpe mun’owu wa mwanda.+ 26 Ke tukadi ye fu kia kuyitundidika ko,+ ke tuvavingi sunda akaka ko,+ ngatu mwena akweto kimpala.