Ngana
23 Avo ovuende wadia yo ntinu,
Toma badika eyi ina vana ndose aku;
3 Kulokokela madia mandi mantomo ko,
Kadi madia ma luvunginiku.
4 Kukivani mvimba muna vava mavua ko.+
Kusie vuvu muna umbakuzi waku ko.
5 Avo osidi mo kaka o meso, mavididi,+
Kadi mavua memenanga o mave nze ngo-zulu yo tilumuka kuna zulu.+
6 Kudie madia ma mwimi* ko;
Kulokokela madia mandi mantomo ko,
7 Kadi ofwanane yo muntu otanga mbalu a nzimbu.*
Uvovese vo: “Dia kwaku, nua kwaku,” kansi ke nkwa ziku ko.*
8 E madia makete odidi, luka oluka mo
Yo vidisa lusanisinu lwaku mu nkatu-nkatu.
12 Sia ntim’aku muna longi
Yo tamba matu muna mpova za zayi.
13 Kuyambula longa mwana* ko.+
Avo unwandidi muna lubamba, ke fwa ko.
17 Kuyambula ko vo ntim’aku wamwena asumuki kimpala,+
Kansi vumina Yave e lumbu kiamvimba,+
18 Muna mpila yayi, okala ye zingu kiambote kuna sentu+
E vuvu kiaku ke kikatulwa ko.
19 Wá, e mwan’ame, kala ye ngangu,
Singika ntim’aku muna nzil’a nsongi.
21 Kadi e nduvu za malavu y’akwa loko dia madia sukama besukama,+
O tulu tukubavuika mataya.
22 Wila se diaku ona wawuta,
Kuvezi ngudi aku ko wau vo se nunu.+
24 O se dia nsongi kiese kikilu kemona;
O se dia mwan’a ngangu okunyangalela.
25 O se diaku ye ngudi aku bemona kiese,
O ngudi ona wawuta kiese kemona.
26 E mwan’ame, umpana ntim’aku,
Yambula meso maku mayangalela e nzila zame.+
28 Okondelelanga wantu nze mwivi;+
Owokesanga lutangu lwa wan’amakala bakondwa kwikizi.
29 Nani i nkwa ekwe-ekwe? Nani i nkwa ntokani zasaka e?
Nani i nkwa ntantani? Nani i nkwa mfundu-mfundu?
Nani i nkwa nduadi zankatu-nkatu? Nani i nkwa meso mabwaka?
31 Kutadi bwaka kwa vinyu ko
Vava ilezimanga muna mbungwa yo kwenda lelomoki,
32 Kadi kuna mfoko itatika nze nioka
Yo vaikisa manga nze wa mpidi.
33 O meso maku memona mambu manzenza,
O ntim’aku uvova mambu mambi.+
34 Okala nze muntu olele vana kati kwa kalunga,
Nze muntu olele vana ntandu a lunzi dia zitika o nlele a nzaza.
35 Ovova vo: “Bangwende, kansi kimwene mpasi ko.
Bambundidi, kansi kibakwidi wo ko.
Nkia ntangwa isikam’e?+
Vinyu diaka nzolele.”*