Nkunga
Kuna kwa ntwadisi a nkunga; muna “Mvuma za Lenge-lenge.” Nkung’a Davidi.
69 E Nzambi, umpuluza kadi maza masidi moyo ame mu vonza.*+
2 Ndimukini muna nteke, kavena fulu ko ndenda sia kulu.+
Nkotele muna maza masina,
E nkukula yangolo inkukulwisi.+
3 Ngioyele wau mbokele kwayingi;+
Nding’ame ikelele.
Meso mame makobokele wau ivingilanga Nzambi ame.+
Awana bazolele kumponda,
E mbeni zame, bena vo ayekodi bakitukidi se ayingi.
Bankomekene yavutula ina kiayiya ko.
5 E Nzambi, ozeye uzowa wame,
Kiswekele masumu mame ko.
6 Kuyambula ko vo awana bevingilanga muna ngeye bafusulwiswa nsoni mu kuma kiame,
E Mfumu, wa Yave a vu.
Kuyambula ko vo awana bekuvavanga bavezwa mu kuma kiame,
E Nzambi a Isaele.
8 Nkitukidi nzenza kuna kwa mpangi zame,
Ye munduti a nzila kuna kwa wan’a ngudi ame.+
10 Vava ikisakidikidi yo fionkonona,*
Bantiangwini mu kuma kiaki.
11 Vava mvuete ngoto,
Nkitukidi se kuma kia luvezo* kuna kwa yau.
12 Awana bavuende vana vitu dia mbanza bekunkumbanga,
E nduvu za vinyu bansidi muna nkunga miau.
13 Yambula sambu kiame kialwaka kwa ngeye,
E Yave, muna ntangw’a dienga.+
Muna ulolo wa walakazi waku, e Nzambi,
Umputulwila muna mavangu maku ma luvuluzu.+
14 Unkatula muna nteke;
Kungiambula ko yadimuka.
Umpuluza muna awana bekumbenganga
Ye muna maza masina.+
15 Kuyambula ko vo e nkukula za maza zankukulwisa,+
Yovo zinga ya maza yambina,
16 Umpana mvutu, e Yave, kadi o walakazi waku wambote.+
Vutuka kwa mono muna ulolo wa nkenda zaku.+
17 Kusweki ndose kwa ntaudi aku ko.+
Umpana mvutu mu nzaki, kadi mu mpasi ngina.+
18 Umfinama, wankûla;*
Unkûla muna diambu dia mbeni zame.
19 Ozeye lusembo lwame, nsoni zame yo luvezo lwame.+
Ozeye mbeni zame zawonso.
20 O luvezo luwudidi e ntim’ame, e mputa ke zisasukanga ko.*
22 Yambula o meza mau makituka se ntambu vovo bena,
Kimvuama kiau nze sokolo.+
24 Ubatiamunuina makasi maku,
E nsita za makasi maku zabalwakila.+
26 Bebangikanga ndiona wawanda,
Bakwamanene mokenena e ndunzi za awana walweka.
27 Kudikila bi muna bi wau,
Ke bena ye kunku ko muna unsongi waku.
29 Vo i mono mbangamene, mu mpasi ngina.+
O nkum’aku a luvuluzu yambula wantanina, e Nzambi.
30 Iyimbidila e nkumbu a Nzambi,
Ikuntundidika ye matondo.
31 Ediadi diyangidika Yave ke mu ngombe ko,
Ngatu mwan’a ngombe una ye mpoka ye kole.+
32 Alembami bemona wo, beyangalala.
Yeno nuvavanga Nzambi, yambula ntima mieno miayangalala.
34 E zulu ye ntoto, yambula wankembelela,+
Yo kalunga ye yawonso ikangalelanga mo.