Afundisi
14 Samesone okulumukini kuna Timena, i kûna kamwenene nkento* wa Mfelesetia. 2 Ovutukidi, ovovese se diandi yo ngudi andi vo: “Mwan’a nkento wa Mfelesetia mbwene kuna Timena, inzolele, numbongela yandi kakala nkaz’ame.” 3 O se diandi ye ngudi andi bamvovese vo: “Nga ke vena nkento ko muna wan’a mpangi zaku yo nkangu eto wawonso e?+ Ekuma ofwete bongela nkento muna Afelesetia balembi zengwa?” Samesone ovovese se diandi vo: “Umbongela yandi, kadi yandi ngiangalele.”* 4 O se diandi ye ngudi andi ke bazaya wo ko vo ediadi kwa Yave diatuka, kadi nzila kavavanga muna nuanisa Afelesetia, ekolo kiakina Afelesetia bayalanga Isaele.+
5 Samesone okulumukini yo se diandi ye ngudi andi kuna Timena. Vava kalweke muna mpatu za vinyu za Timena, muvaikidi nkosi, wankwitilanga. 6 O mwand’a Yave unkumikini,+ otiazwini e nkosi nze yandi otiazwini mwan’a nkombo, kakala ye lekwa ko vana moko. Kazayisa se diandi ye ngudi andi ko dina kavanga. 7 I bosi okulumukini, omokene yo nkento, Samesone omwene vo ndioyu i nkento kaka umfwanukini.+
8 Vava kavutukidi mu bonga o nkento kenda yandi kuna nzo andi,+ ovilukidi katala e nkosi ina kavonda, muna vuvu dia nkosi mukedi e bumba kia mbwingina yo wiki. 9 Ovolele wiki yo dia wo ekolo kayendanga. Vava kalweke kwa se diandi ye ngudi andi, ubavene ndambu badia. Kansi, kabazayisi wo ko vo mu vuvu dia nkosi kabongele wo.
10 O se diandi okulumukini kuna kwa nkento, o Samesone olambisi e lambu, kadi i fu kia matoko muna kolo kiakina. 11 Vava bamwene Samesone, bantwasidi akundi 30 a longo bakala yandi. 12 Samesone ubavovese vo: “Yambula yanutela ngwala.* Avo nukunsasila yo muna lumbu nsambwadi ya lambu, ikunuvana mvuatu 30 mia lino ye mbuba 30 mia nlele. 13 Kansi, avo ke nulenda yo kunsasila ko, yeno nukumpana mvuatu 30 mia lino ye mbuba 30 mia nlele.” Bamvutwidi vo: “Ututela ngwala;* kadi tuzolele yo wá.” 14 Ubavovese vo:
“Muna ndiona odianga mutukidi lekwa kia dia,
Muna nkwa ngolo mutukidi lekwa kia nzenzo.”+
Ke balendele sasila ngwala* ko mu lumbu tatu. 15 Muna lumbu kiayá, bavovese nkaz’a Samesone vo: “Vunginika o nkaz’aku+ katusasila e ngwala.* Avo kuvangidi wo ko, yoka tukuyoka y’esi nzo a se diaku. Nga lwatubokelese mu bonga mavua meto?” 16 Ozevo, nkaz’a Samesone undididi yo kumvovesa vo: “Menga okumbenganga; kukunzolanga ko.+ Otelele yitu yame ngwala, kansi kunzayisi nsas’andi ko.” Samesone umvutwidi vo: “Kiazayisi yo nkutu kwa se diame ko ngatu kwa ngudi ame! Ekuma mfwete yo zayisila kwa ngeye?” 17 Undididi muna lumbu nsambwadi ya lambu. Muna lumbu kia nsambwadi, unzayisi e nsas’a ngwala,* kadi wantokanesanga kaka. Oyandi wele zayisa nsas’a ngwala kwa yitu yandi.+ 18 Muna lumbu kia nsambwadi una ntangwa ke yadimukini ko, esi mbanza bamvovese vo:
“Nki kisundidi wiki e nzenzo?
Nki kisundidi nkosi e ngolo?”+
Samesone ubavutwidi vo:
19 O mwand’a Yave ukumikini Samesone,+ okulumukini kuna Asekelone+ ovondele wantu 30 vana bena, obongele mvuatu miau yo vana mio kw’awana basasila e ngwala.*+ Makasi mandi mafusukidi, ovutukidi kuna nzo a se diandi.
20 O nkaz’a Samesone+ wavewa kwa mosi muna nkundi andi a longo ona kakala yandi.+