Lusengomono kwa Yoane
1 Lusengomono lwa Yesu Kristu, luna o Nzambi kamvana+ kimana kasonga kwa ntaudi zandi+ o mambu mevangama ke kolo ko. Watuma mbasi andi kimana kasonga lo muna sinsu kwa ntaudi andi, Yoane,+ 2 ona wasia umbangi mu kuma kia diambu dina Nzambi kavana, mu kuma kia umbangi wa Yesu Kristu, i sia vo, mawonso mana kamona. 3 Kiese kwa ndiona otanganga mambu ma ungunza wau mu nding’angolo ye awana bewanga yo lemvokela mana masonama mo,+ kadi e ntangwa yasikidiswa ifinamene.
4 Mono Yoane, kuna kwa nkutakani nsambwadi+ zina muna mvivu wa Asia:
Nuyambula nsambu yo luvuvamu lutukanga kwa “Ndiona wina, Ndiona wakala ye Ndiona okwiza”+ lwakala yeno ye kwa mianda nsambwadi+ mina vana ndose a kunda kiandi, 5 ye kwa Yesu Kristu, “Mbangi Akwikizi,”+ “mwan’antete muna mafwa,”+ ye “Nyadi a ntinu mia nza.”+
Ndiona okutuzolanga+ yo kutukûla muna masumu muna menga ma yandi kibeni+— 6 watukitula se atinu+ ye anganga+ kuna kwa Nzambi andi yo Se—elo, kuna kwa yandi nkembo yo nkuma yamu mvu ya mvu. Amen.
7 Nutala! Okwiza muna matuti,+ meso mawonso mekumona ye awana bantobola; makanda mawonso ma nza memona ntantu mu kuma kiandi.+ I wau kikilu, Amen.
8 “Mono i Alfa ye Omega,”*+ u kavovele o Yave* wa Nzambi, “Ndiona wina, ndiona wakala ye ndiona okwiza, wa Mpungu-ngolo.”+
9 Mono Yoane, wa mpangi eno, ngina yeno entwadi muna lubangamu+ ye kintinu+ yo luzindalalu+ muna Yesu,+ kuna sanga kia Patemo yakala mu vovela mambu ma Nzambi yo sia umbangi mu kuma kia Yesu. 10 Muna mwand’avelela yakadila muna lumbu kia Mfumu, yawá nding’angolo kunim’ame nze mpungi, 11 oku vo: “Mana omwene, soneka mo muna nkanda yo twika wo kwa nkutakani nsambwadi: Efeso,+ Semurena,+ Pengamo,+ Tuatira,+ Sadi,+ Filadelefia+ ye Laodikia.”+
12 Mpilukidi yatala ndiona wampovesanga, vava yaviluka, mbwene zangikilwa nsambwadi ya minda ya wolo,+ 13 vana kati kwa zangikilwa ya minda vakala ndiona wina nze mwan’a muntu,+ ovuete mvuatu walwaka yamuna malu, wakanga mpond’a wolo vana ntulu andi. 14 Kansi, o ntu ye nsuki zandi zampembe nze mika miampembe ye mvul’ampembe, o meso mandi nze nlaku a tiya,+ 15 malu mandi nze nsongo ambote+ ukezimanga wau uveleleso vana fulu dia tiya, e nding’andi nze mazu ma maza mayingi. 16 Okedi ye ntetembwa nsambwadi vana koko kwandi kwalunene,+ muna nu’andi muvaikidi nsosolo wandá,+ watoma twá, wa meno mole, e ndose andi nze ntangwa olezimanga muna ngolo zandi.+ 17 Vava yamona, mbwidi vana malu mandi nze muntu wafwa.
Untensekele o koko kwandi kwalunene yo vova vo: “Kumoni wonga ko. Omono i Wantete+ ye Wansuka,+ 18 ndiona una moyo,+ yafwa yakala,+ kansi tala! Izinganga yamu mvu ya mvu,+ ngina ye nsabi za lufwa ye Ziami.*+ 19 Dianu vo, soneka mana omwene, mambu mevangamanga ye mana mevangama vava kivioka mambu mama. 20 Eyayi i mbumb’avauka ya ntetembwa nsambwadi zina omwene vana koko kwame kwalunene ye zangikilwa nsambwadi ya minda ya wolo: E ntetembwa nsambwadi, mbasi za nkutakani nsambwadi zisunzulanga, e zangikilwa nsambwadi ya minda, nkutakani nsambwadi isunzulanga.+