Nkunga
Nkung’a Davidi.
29 Nuvana kwa Yave kina kimfwanukini, yeno wana akwa ngolo,
Nuvana kwa Yave kina kimfwanukini muna diambu dia nkembo ye ngolo zandi.+
2 Nuvana kwa Yave o nkembo ufwanukini e nkumbu andi.
Nufukama vana ndose a* Yave ye mvuatu miavauka.*
3 E nding’a Yave iwakane vana ntandu a maza;
Nzambi a nkembo otalumukini nze mwandazi.+
Yave una vana ntandu a maza mayingi.+
4 E nding’a Yave yangolo;+
E nding’a Yave yankembo.
5 E nding’a Yave itolola nsedele;
Elo, Yave otolola nsedele mia Lebanone.+
7 E nding’a Yave ivaikisa nlaku mia tiya;+
8 E nding’a Yave izakamesanga makanga;+
Yave ozakamese makanga ma Kadese.+
9 E nding’a Yave izakamese nkayi yo kubawutisa,
Yo yumisa e mfinda.+
Awonso muna tempelo andi bavovele vo: “Nkembo!”
10 Yave ovuende vana kunda kiandi kia kimfumu vana ntandu a kizalu;*+
Yave ovuende vana kunda kiandi se Ntinu yakwele mvu.+
11 Yave ovana nkuma kwa nkangu andi.+
Yave osambula nkangu andi yo luvuvamu.+