Wanzole wa Paulu Kuna kwa Esi Korinto
11 Nzolele vo nuanzizidila mu kuma kia fi uzowa fiame. Kieleka, oyeno nukunzizidilanga. 2 Kadi nsongo inumwenene, nsongo zina za Nzambi,* e kuma kadi mono kibeni yanuzitikisa kwa yakala dimosi kimana yanusunzula se mienze miavelela kuna kwa Kristu.+ 3 Kansi, wonga ngina wau, kadi wauna nioka kavukumunuina Eva muna umpuki wandi,+ e ngindu zeno zilenda yiviswa yo vengomoka muna ludi ye muna velela kuna muna Kristu.+ 4 Kadi, avo vezidi muntu osamuna Yesu wankaka, ke ndiona twasamuna ko, avo nutambwidi mwanda wankaka, ke una nuatambula ko yovo nsangu zambote zankaka, ke zina nuatambulwila ko,+ diasazu dikalanga muna kunyikama. 5 Kadi ngindwidi vo kavena kana diambu dimosi ko disonganga vo i nke vana vena e mbuta zeno za ntumwa.+ 6 Kanele vo ki mpovi ambote ko,+ kansi ngina yo zayi mu kuma kia Nzambi; ozevo, twatoma wo kunukiesesela muna mpila zawonso ye muna mambu mawonso.
7 Yovo, nga sumuka yasumuka wau yakisakidika kimana oyeno nuatundidikwa, wau yaluzayisa e nsangu zambote za Nzambi muna ngovo e?+ 8 Yasanza* nkutakani zankaka wau yatambula lusadisu lwau kimana yanusadila.+ 9 Vava yakala yeno yo kondwa lekwa, kiakala se zitu kwa muntu ko, kadi ampangi ana batuka kuna Makedonia batoma lungisa e nsatu zame.+ Kieleka, kiazola kituka se zitu kwa yeno ko muna mawonso, i wau mpe ikwamanana vanga.+ 10 Wau vo e ludi kia Kristu kina omu mono, kiyambula kuyisana ko mu kuma kia diambu diadi+ muna zunga ya Akaya. 11 Mu nkia kuma? Nga kikunuzolanga ko e? Nzambi ozeye wo vo zola ikunuzolanga.
12 Kansi dina ivanganga ikwamanana dio vanga+ kimana yakakidila awana bazolele* kuyisia mfwanani yo yeto muna mambu mana* bekuyisaninanga. 13 Kadi wantu awaya ntumwa zaluvunu, nsadi mialuvunu, bekuyikitulanga se ntumwa za Kristu.+ 14 Ediadi ke diasivika ko, kadi Satana yandi kibeni okuyikitulanga se mbasi a ntemo.+ 15 Dianu vo, ke diasivika ko, avo selo yandi bayikitwidi se selo ya unsongi. Kansi e mbaninu au ikala mun’owu wa mavangu mau.+
16 Mpovele wo diaka: Ke vakadi muntu ko oyindula vo mono i zowa. Kansi avo i wau nuyindulanga, ozevo nuntambula nze zowa, kimana mono mpe yakisana fiakete. 17 Ediadi mpovele owau, kilende mbandu a Mfumu ko, kansi nze zowa dia muntu kaka okuyisananga ye vuvu kiasaka. 18 Wau vo ayingi bekuyisananga mun’owu wa kinitu,* mono mpe sana ikuyisana. 19 Wau vo nu “akwa ngangu,” nuzizidilanga mazowa ye kiese kiawonso. 20 Kieleka, nuzizidila konso ndiona unubundwini, konso ndiona oyiyidi mavua meno, konso ndiona okutumwini kina nuna kiau, konso ona okuyitundidika vana luna ye konso ndiona okunuwanda vana mpolo.
21 Dialuvezo kwa yeto muna vova diambu diadi, kadi dilenda moneka vo tu atovoki.
Kansi avo ankaka basongele unkabu—muna uzowa mpovele—mono mpe unkabu nsongele. 22 Nga oyau Ayibere? Ye mono mpe.+ Nga oyau Aneyisaele? Yo mono mpe. Nga oyau mbongo a Abarayama e? Ye mono mpe.+ 23 Nga oyau selo ya Kristu e? Mvutwidi nze lau, mono nkutu nsundidi: Salu yayingi yasala,+ pelezo zayingi yakota,+ ngwanda zayingi yawandwa, nkumbu miayingi yakala mu vonza kia lufwa.+ 24 Kuna kwa Ayuda nkumbu tanu yazwabulwa nzwabula 40 katula imosi,+ 25 nkumbu tatu yawandilwa muna lubamba,+ nkumbu mosi yatubilwa matadi,+ nkumbu tatu yakala muna nzaza yadimuka,+ lumbu kimosi yakala muna kalunga fuku yo mwini; 26 muna nkangalu miayingi, yabwilwa vonza ya nzadi, vonza ya mivi, vonza kwa nkangu ame,+ vonza kuna kwa esi zula,+ vonza muna mbanza,+ vonza muna makanga, vonza muna kalunga, vonza vana vena mpangi zaluvunu, 27 sala yo funtuka, nkumbu miayingi yalembi leka,+ yakala mu nzala ye vuina,+ nkumbu miayingi yakondwa madia,+ muna kiozi ye nkonga.
28 Vana ntandu a mambu ma kumbazi, vena ye diambu dikuntokanesanga lumbu yawonso: ntokani mu kuma kia nkutakani zawonso.+ 29 Nani otovokele, mono mpe yalembi tovoka? Nani otele sakuba, mono mpe yalembi kendalala?
30 Avo nzolele kuyisana, ikuyisanina muna mambu mesenzekanga lutovoko lwame. 31 Nzambi ye Se dia Mfumu Yesu, ona ofwete kembelwa yakwele mvu, ozeye wo vo kivunini ko. 32 Muna Damaseke, o nguvulu muna lutumu lwa ntinu Areta, wayingilanga e mbanz’a esi Damaseke kimana kankanga, 33 kansi yakulumunua muna kitunga* vana vundu dia yaka kia mbanza,+ yavuluka vana moko mandi.