Yesaya
49 Nungwa, oyeno sanga,
Nusia e sungididi, oyeno zula ina kwandá.+
Yave wambokela vitila yawutuka.*+
Oyandi oyikidi e nkumbu ame tuka yakadila muna vumu kia ngudi ame.
Unkitwidi se nzanza yatoma lengwa;
Unswekele muna kutu kiandi.
4 Kansi mpovele vo: “Nkatu kwandi mfuntukini.
Mpamba kaka ye nkatu-nkatu mfwasidi e ngolo zame.
Kansi, ndiona okumfundisanga i Yave,
Ndiona ukumpananga o mfutu i Nzambi ame.”+
5 Owau o Yave, Ona wampanga se selo kiandi tuka muna vumu,
Umpovese yamvutulwisila Yakobo,
Kimana Isaele kakutakeswa vana kena.+
Ikembeswa vana meso ma Yave,
O Nzambi ame okituka se ngolo zame.
6 Oyandi ovovele vo: “Ongeye ku selo kiame kaka ko
Mu telamesa makanda ma Yakobo
Yo vutulwisa ana basidi o moyo muna nkangu a Isaele.
7 I wau wuwu kavovele o Yave wa Nkûdi ye Mvauki a Isaele+ kwa ndiona ovezwanga,+ kwa ndiona omengwanga kwa zula, kwa selo kia ayadi:
“Atinu bemona yo telama,
E mfumu zivumbama
Mu kuma kia Yave, una vo nkwa kwikizi,+
O Mvauki a Isaele, ona usolele.”+
8 I wau wuwu kavovele o Yave:
“Muna ntangw’a songa e dienga, iven’e mvutu,+
Muna lumbu kia luvuluzu, isadisi;+
Nkwamanene kutanina kimana yavana se kangu mu kuma kia wantu,+
Muna tungulula e nsi,
Kimana batambula mavua mau masala e nkatu,+
9 Mu vovesa kwa abakami vo: ‘Nuvaika!’+
Kwa awana bena mu tombe vo:+ ‘Nuyisunzula!’
Muna mbela za nzila i besololwela madia,
Muna mayendelo mawonso* i mukala madilu mau.
11 Ikitula e miongo miame miawonso se nzila,
E bala-bala zame zizangulwa.+
12 Tala! Awaya kwandá batukidi,+
Akaka kuna node ye kuna weste batukidi,
Akaka kuna nsi a Sinimi batukidi.”+
13 E zulu, kaza ye kiese, e ntoto, yangalala.+
Yambula e miongo miayengoloka ye kazu kia kiese.+
14 Kansi Zione okwamanene vova vo:
“Yave umbembwele,+ Yave umvilakene.”+
15 Nga o nkento olenda vilakana o mwan’andi a nsedia?
Ngatu olembi fwila mwan’a vumu kiandi e nkenda e?
Kana nkutu vo akento awaya bavilakene, omono kisinga kuvilakana ko.+
16 Tala! Mvoswene nkumbu aku ova kandazi kiame.
E yaka yaku ina ova ntadisi ame.
17 O wan’aku balweke mu nzaki.
Awana bekuwandanga yo kufwasa bekwenda kwau.
18 Sengola o meso yo tala muna ndambu ye ndambu.
Yau awonso mu kutakana bena.+
Balweke kwa ngeye.
“E nkal’ame kaka,” u kavovele o Yave,
“Ongeye okubavuata yau awonso nga lekwa ya kuyiviengesela,*
Okubavuata wauna uvuatilanga ndumb’ansompi.
19 Kana una vo e fulu yaku yafwasuka yo sala e nkatu, e nsi aku yakituka se zumbu,+
Owau, ikituka se yakete kuna kwa awana bezingilanga mo,+
20 O wana ana bawutuka vava wakala muna kifwidi bevova vo:
‘E fulu kiaki kikete kwa yeto.
Utuvana fulu kianene twazingila.’+
21 Ongeye ovova muna ntim’aku vo:
‘Nani i se dia wana awaya mpeno?
Kadi i nkento wafwilwa wana, i sita kwame,
Yayenda mu kinkole yo siwa mu pelezo.
Nani wabasansa?+
22 I wau wuwu kavovele o Mfumu Yave:
23 E ntinu mikulunga-lunga,+
E mfumu zau zamakento zikala se ndezi zaku.
Oyau bekuvumbamena ye ndose zayenzama muna nsi+
Bepiata e mbundukutu a malu maku,+
Ongeye ozaya wo vo mono i Yave;
Awana bebundanga e vuvu omu mono ke befusulwiswa nsoni ko.”+
24 Nga awana babakamene kala kwa kesa balenda kutumunua e?
Nga awana babakamene kwa nkwa ntima mbadi balenda kûlwa e?
25 Kansi, i wau wuwu kavovele o Yave:
“Kana nkutu i awana babakamene kwa kesa bekutumunua,+
Awana babakamene kwa nkwa ntima mbadi bekûlwa.+
Isia kitantu kwa awana bekusianga kitantu,+
Ivukisa o wan’aku.
26 Ifila awana bekumwesanga e mpasi badia e nitu zau,
Bekolwa o menga mau nze yau bakoleso kwa vinyu.