Yesaya
66 I wau wuwu kavovele o Yave:
“E zulu i kunda kiame kia kimfumu, o ntoto i nsikinu’a tambi yame.+
2 “O koko kwame kwavanga lekwa yayi yawonso,
Muna mpila yayi iyavangamena lekwa yawonso,” u kavovele o Yave.+
“Kansi, kwa muntu oyu itala:
Kwa muntu una vo nlembami, okendalele muna ntima, ona o vuminanga e diambu diame.+
3 Ndiona ovondele ngombe una nze yandi ovondele muntu.+
Ndiona okelele e meme se kimenga una nze yandi otolwele nsingu a mbwa.+
Ndiona ovene lukau una nze yandi otambikidi menga ma ngulu!+
Ndiona oyokele ndumbu a nti a lebona se luyindulu+ una nze yandi osambwidi teke.+
Basolele nzila za yau kibeni,
Yo yangalela mambu mangemi.
4 Muna kuma kiaki, isola e mpila ikubatumbila,+
Ikubatwasila mambu mawonso mana bemwenanga o wonga.
Kadi vava mbokele, ke mosi ko ovutwidi;
Vava mpovele, ke vakedi muntu ko owidi.+
Bakwamanene vanga mambu mambi ova meso mame,
Basolele vanga mana mekunkendelekanga.”+
5 Nuwá e diambu dia Yave, yeno nuzakamanga mu kuma kia* diambu diandi:
“E mpangi zeno ana banumengene yo kunubembola mu kuma kia nkumbu ame bavovele vo: ‘Yambula Yave kakembelwa!’+
Kansi o Nzambi omoneka yo kunutwasila e kiese,
Ekolo oyau befusuka e nsoni.”+
6 Mazu mankindu metukanga kuna mbanza, mazu metukanga kuna tempelo!
I mazu ma Yave otumbanga e mbeni zandi una ubafwanukini.
7 Vitila Zione kabakama kwa nsongo, owutidi.+
Una e nsongo ke mialwakidi ko, owutidi mwan’a yakala.
8 Nani wawá kala e diambu dia mpila yayi?
Nani wamona kala mambu ma mpila yayi?
Nga e nsi ilenda wutwa mu lumbu kimosi kaka?
Nga e zula kilenda wutuka mu nkumbu mosi e?
Kansi, o Zione vava kamwene nsongo, vana vau owutidi o wan’andi.
9 “Nga omono ndenda mwesesa e nsongo yo lembi yambula vo mwana kawutuka?” u kavovele o Yave.
“Yovo, omono iwutisanga, nga ndenda kanga mawuta?” u kavovele Nzambi aku.
10 Yeno awonso nuzolanga Yerusaleme,+ numona e kiese yo yangalala yandi kumosi.+
Yeno awonso nudilanga mu kuma kiandi, nutoma yangalala yandi kumosi,
11 Kadi yema nuyema mayene mandi, nutoma yukuta yo fiaulwiswa,
Yema nuyema una nuzolele yo yangalela muna ulolo wa nkembo andi.
12 Kadi i wau wuwu kavovele o Yave:
Oyeno nuyema yo natinua vana luvati,
Yo sakaneswa muna nkata.
13 Wauna o ngudi kefiaulwisilanga o mwan’andi,
Ikwamanana kunufiaulwisa;+
Nufiaulwiswa mu kuma kia Yerusaleme.+
14 Numona mambu mama, e ntima mieno miyangalala,
E visi yeno ikumama nga titi yankunzu.
15 “Kadi o Yave okwiza nze tiya,+
O makalu mandi ma vita mena nze kimbongela,+
Kimana katumba kuna makasi mawonso,
Yo sembela muna nlaku mia tiya.+
16 Kadi, Yave muna tiya i ketumbila wantu awonso,
Elo, muna nsosolo;
Awana bevondwa kwa Yave ndonga bekala.
17 I wau wuwu kavovele o Yave: “Awana bekuyivaulanga yo kuyivelelesa mu kota muna mpatu+ mu sambila nzambi aluvunu,* awana bedianga e nsuni mia ngulu,+ lekwa yafunzuka ye mpuku,+ yau awonso kumosi befukisilwa.” 18 “Wau vo nzeye mavangu mau ye ngindu zau, ngizidi kimana yakutakesa nkangu a zula yawonso ye ndinga zawonso, oyau bekwiza yo mona nkembo ame.”
19 “Isia e sinsu vana kati kwau, akaka muna awana bevuluka, ikubafila kuna Tasisi,+ kuna Pule ye kuna Ludi,+ e zula izeye toma sadila e nzanza. Ikubafila mpe kuna Tubali ye kuna Yavani,+ ye kuna sanga ina kwandá, ina ke yawidi nsangu zame ko ngatu mona nkembo ame; oyau besamuna nkembo ame vana vena e zula.+ 20 E mpangi zeno zawonso zina muna zula yawonso, betwasa zo+ vana mongo ame avauka, kuna Yerusaleme, se lukau kwa Yave, wauna o nkangu a Isaele utwasilanga tukau twau muna yinzu yavelela muna nzo a Yave. Bekubatwasila muna mvalu, muna makalu, muna makalu mafukwa, muna mula ye muna samo,” u kavovele o Yave.
21 “Isola mpe akaka mu kala se anganga ye Anelevi,” u kavovele o Yave.
22 “Wauna e zulu diampa ye nz’ampa+ ina nsemene ikwamanena ova ndose ame, i una mpe e mbongo eno ye nkumbu eno ikwamanena,”+ u kavovele o Yave.
23 “Tuka muna nzangama mosi a ngonde yamuna nzangama ankaka a ngonde ye tuka muna lumbu kimosi kia vundu yamuna lumbu kiankaka kia vundu,