Yesaya
5 Yambula yayimbidila nzolw’ame o nkunga
Nkunga mu kuma kia nzolw’ame ye mpatu andi a vinyu:+
O nzolw’ame wakala ye mpatu a vinyu muna mbel’a kundubulu kitoma yimanga e mbongo.
2 Otimini o ntoto yo katula o matadi.
Okunini mo nsing’a vinyu wambote wa uva zambwaki,
Otungidi e yingidilu vana kati kwa mpatu,
Otimini mo kaminu dia vinyu.+
I bosi, ovingidi vo yayima uva zambote,
Kansi, uva zambi kaka yayima.+
3 “Owau, oyeno esi Yerusaleme ye esi Yuda,
Dodokolo, nutufundisa omono ye mpatu ame a vinyu.+
4 Adieyi diaka mfwete vanga mu kuma kia mpatu ame a vinyu
Dina kivangidi ko e?+
Uva zambote yavingidinge,
Ekuma iyimini kaka uva zambi?
5 Owau yambula yanuzayisa
Dina ivanga kwa mpatu ame a vinyu:
Ikatula o lûmbu lwandi,
Yokwa iyokwa.+
Wula iwula e yaka kiandi kia matadi,
Idiatakeswa.
6 Ikitula yo se ntoto wabembolwa;+
Ke ivangilwa ko ngatu vatwa.
7 Kadi e mpatu a vinyu a Yave a vu i nzo a Isaele;+
Esi Yuda i nkuna kazolanga.
Wavingilanga unsongi,+
Kansi vakedi kondwa kwa unsongi;
Wavingilanga ndungidi,
Kansi vakedi dilu mu kuma kia mpasi.”+
8 Tâtu kwa awana beyikakesanga e nzo imosi ye nzo yankaka+
Ye awana bebundakesanga e mpatu mosi ye mpatu yankaka+
Yavana ke vesala diaka fulu ko
Yo zinga yeno kaka omu nsi!
9 Ngwidi Yave a vu odidi e ndofi vo
Nzo zayingi, kana una vo zanene ye zambote,
Zikituka se lekwa kia mwena wonga,
Zakondwa wantu.+
11 Tâtu kwa awana besikamanga mene-mene mu nua malavu mankolwa,+
Ana bekwamanananga nua yamuna fuku yavana e vinyu ikubalaula!
12 Bena ye kokolo ye nsambi,
Fingoma-ngoma, matutu ye vinyu muna nkinzi miau;
Kansi ke beyindulanga mavangu ma Yave ko,
Ke bemonanga salu ya moko mandi ko.
13 Muna kuma kiaki, o nkangu ame unatwa muna kinkole
Wau ukondelo o zayi;+
Akwa zitu vana bena befwa e nzala,+
O nkangu au awonso uyuma mu kuma kia vuina.
14 Muna kuma kiaki e Ziami* kiyivongese*
Kiziwidi o nu’andi kondwa kwa tezo;+
O nkembo a Yerusaleme,* nkangu andi yo wantu andi bazola nkinzi
Bekulumuka mo.
15 O muntu okululwa,
O muntu osakidikwa,
O meso ma nkwa umvuania mesakidikwa.
17 O wan’a mameme bedila va fulu kiokio nze yau bena vana madilu mau;
E nzenza zidila vana fulu isala e nkatu, vana vakala e bulu ya mazi.
18 Tâtu kwa awana betuntanga o bi wau muna nsinga mia luvunu
Yo tunta masumu mau muna nsinga mia tuntila e kalu;
19 Awana bevovanga vo: “Yambula kasazula e salu kiandi;
Yambula kiza mu nzaki kimana twamona kio.
20 Tâtu kwa awana bevovanga vo e mbote i mbi, e mbi i mbote,+
Awana bevingisanga e tombe vana fulu kia ntemo, o ntemo vana fulu kia tombe,
Awana bekitulanga e ndudi se nzenzo, o nzenzo se ndudi!
21 Tâtu kwa awana bena vo akwa ngangu vana meso ma yau kibeni
Ye alungaladi muna mbweno zau!+
22 Tâtu kwa awana bena vo makesa muna nua e vinyu
Ye kwa awana bena vo akwa umbangu muna sangisa malavu mankolwa,+
23 Awana bevananga e ndungidi kwa nkwa kuma mu diambu dia mbabu+
Ye awana beyelesanga o nsongi!+
24 Kansi, wauna e finlaku fiatiya fibomonuenanga e titi
Ye una e titi yayuma izininanga muna nlaku a tiya,
E mianzi miau miwola,
E mvuma zau zimwangana nze mbundukutu a ntoto,
Wau babembwele o nsiku a* Yave a vu
Yo lembi zitisa e diambu dia Mvauki a Isaele.+
25 Kiaki i kuma o makasi ma Yave mafusukidi o nkangu andi,
Olambula koko kwandi kwa yau yo kubawanda.+
E miongo mizakama,
E mvumbi zau zikala nze titi muna bala-bala.+
Muna mambu mama mawonso, o makasi mandi ke mavilukidi ko,
Kansi, o koko kwandi kwakinu kwalambuka mu wanda.
26 Oyandi ozangwidi e sinsu* kwa zula kina kwandá;+
Ubasikidi mumpiozi beza tuka kuna nsuka za nza;+
Tala! balweke ye nzaki zawonso.+
27 Ke mosi ko muna yau oyoyele yovo tá sakuba.
Ke mosi ko onimbanga yovo leka.
E mponda muna tuketo twau ke zizezele ko,
Ngatu nsinga mia nsampatu zau miazatuka.
28 E nzanza zau zawonso zatwa,
E mfumba miau miawonso miakubama mu nonga.
E kole ya mvalu miau ina nga tadi diangolo,
O tungungu twau tuna nga tembwa.+
Oyau bekwita, bebaka e bulu kiadia
Yo nata kio, ke vekala ona ovukisa kio ko.
30 Muna lumbu kiakina, oyau bekungila kio
Nze nkung’a mbu.+
Konso ona otala e nsi yayi omona tombe kiampasi;
Kana nkutu vo ntemo ukituka se tombe mu kuma kia matuti.+