Wantete wa Paulu Kuna kwa Timoteo

2 Dianu vo, vana fulu kiantete, inukasakese nuadodokelanga, yo samba, yo lombanga mu kuma kia wantu a mpila zawonso yo vutula matondo kwa Nzambi, 2 mu kuma kia atinu ye akwa wisa awonso,+ kimana twakala ye zingu kia vuvama ye ngemba yo vumina Nzambi muna mawonso yo zitu.+ 3 Ediadi diambote yo tondakana vana ndose a Nzambi wa Mvuluzi eto,+ 4 ona ozolele vo wantu a mpila zawonso bavuluzwa+ yo vua zayi wasikila wa ludi. 5 Kadi vena ye Nzambi mosi kaka,+ nkambami* mosi kaka+ vana vena Nzambi yo wantu,+ Kristu Yesu, yandi i muntu,+ 6 ona wakivana se lukûlu lwafwana kwa wantu awonso*+—ediadi disilwa umbangi muna ntangwa yafwana. 7 Muna kuma kia umbangi wau+ yatumbikilwa se nteleki ye ntumwa+—ludi mpovele, kivunini ko—i nlongi a esi zula+ muna diambu dia lukwikilu ye ludi.

8 Dianu nzolele vo muna fulu yawonso akala basambanga, bazangulanga moko mavelela,+ ke ku makasi+ ye mpaka ko.+ 9 Diau dimosi mpe, akento bafwete kuyiviengesela muna mvuatu miambote,* kuna zitu yo lulungalalu,* ke mu nkangilu a nsuki ko yovo wolo yovo pelola* ngatu mvuatu miantalu,+ 10 kansi wauna ufwanukini kwa akento ana bevuminanga Nzambi,+ muna mavangu mambote.

11 O nkento yambula kakala e pi-i yo longoka kuna lusakalalu lwawonso.+ 12 Kivene nswa ko kwa nkento kalonga ngatu kala ye wisa muna yakala, kansi kakala kaka e pi-i.+ 13 Kadi Adami wateka vangwa, i bosi Eva.+ 14 Adami kavunua ko, kansi nkento yandi wavunua+ yo kituka se nsumuki. 15 Kansi, otaninua muna wuta wana,+ avo okwamanene* muna lukwikilu yo zola yo velela kumosi ye lulungalalu.*+