Nkunga
Nkunga. Nkung’a wan’a Kora.+ Kuna kwa ntwadisi a nkunga; muna Makalati,* uyimbidilwa mu zú diaswaswana. Maskile* ya Emane+ wa mwan’a Ezera.
4 Bansidi muna lutangu lw’awana bekulumukanga muna wulu;*+
Nkitukidi se munkondwa nsadisi,*+
5 Ngiambwilu vana vena wantu afwa
Ngina nze mavimbu malavalele muna ziami
Ana kusungamene diaka ko
Yo katulwa muna lutaninu lwaku.*
6 Untubidi muna wulu diatoma koboka,
Muna fulu ya tombe, muna yenga dianene.
7 E nsita zaku zizitidi omu mono,+
Umbweses’e mpasi muna mavuku maku mampwena. (Sela)
8 Oyambwidi vo awana banzeye bantina;+
Unkitwidi se lekwa kiangemi kuna kwa yau.
Nkangamene, kilendi tina ko.
9 O meso mame mabukamene tombe mu kuma kia mpasi zame.+
E Yave, ikubokelanga e lumbu kiamvimba;+
Kwa ngeye ngialumunuini moko muna sambu.
10 Nga ovanga masivi mu kuma ki’awana bafwa?
Awana ke bena diaka ye ngolo ko muna mafwa, nga balenda sikama muna kukembelel’e?+ (Sela)
11 Nga walakazi waku uzayiswa muna ziami e?
Yovo ziku kiaku muna fulu ya lufwasu e?*
12 Nga masivi maku mezayakana muna tombe
Yovo unsongi waku muna nsi yavilakanua?+
14 E Yave, ekuma umbembolwele?*+
Ekuma unswekele ndose aku?+
15 Tuka muna kileke kiame,
I mumbona-mpasi, mfinamene o fwa;+
Mbangamene mu kuma kia mpasi zina oyambwidi vo zandwakila.
16 E nsita za makasi maku zinkosomwene;+
O wonga waku umfwasidi.
17 Unzietele nze maza e lumbu kiamvimba;
Undwakidi muna ndambu zawonso.*
18 Ovavuidi akundi ye akwame kuna kwandá yo mono;+
E tombe kikitukidi se nkundi ame.