Yesaya
43 Owau, i wau wuwu kavovele o Yave,
Wa Nsemi aku, e Yakobo, Ona wavanga, e Isaele:+
“Kumoni wonga ko, kadi mono ikûdidi.+
Ibokele muna nkumbu aku.
Ongeye kwa mono ovuilu.
Vava odiatila vana tiya, kuvia ko,
Ngatu nlaku a tiya wayoka.
3 Kadi mono i Yave wa Nzambi aku,
O Mvauki a Isaele, wa Mvuluzi aku.
Mpene Engipito se lukûlu mu kuma kiaku,
Mpene Etiopia ye Seba vana fulu kiaku.
Muna kuma kiaki ivana nkangu vana fulu kiaku
Ye zula vana fulu kia moyo aku.
5 Kumoni wonga ko, kadi ngina yaku.+
Itwasa e mbongo aku tuka kuna este
Yo kukutakesa tuka kuna weste.+
6 Ivovesa node vo: ‘Ubavutula!’+
Ivovesa sude vo: ‘Kubasimbinina ko.
Twasa o wan’ame amakala tuka kuna kwandá, yo wan’ame amakento tuka kuna nsuka za nza,+
7 Konso ona oyikilwanga muna nkumbu ame+
Ndiona nsemene mu kuma kia nkembo ame,
Ndiona mpangidi yo sema.’+
8 Vaikisa o nkangu. Bena yo meso kansi ampofo,
Bena yo matu kansi afwa matu.+
9 Yambula e zula yawonso yakutakana fulu kimosi,
Yambula nkangu miakutakeswa.+
Nani vana bena olenda dio samuna?
Nga balenda kutuzayisa mambu mantete mevangama e?*+
Yambula batwasa e mbangi zau kimana basonga e ndungidi au,
Yambula bawá yo vova vo: ‘Dialudi kikilu!’”+
10 “Oyeno nu mbangi zame,”+ u kavovele o Yave,
“Elo, selo kiame ona nsolele,+
Kimana nuazaya yo kwikila* omu mono
Ye nuabakula vo kisobanga ko.+
Vitila mono, ke vakala kana Nzambi mosi ko,
Kuna nim’ame, ke vasemwa kana mosi ko.+
11 Omono, mono i Yave,+ kavena mvuluzi ankaka ko, mono kaka.”+
Ozevo, yeno i mbangi zame,” u kavovele o Yave, “omono i Nzambi.+
Avo mvangidi diambu, nani olenda dio kakidila e?”+
14 I wau wuwu kavovele o Yave, wa Nkûdi eno,+ wa Mvauki a Isaele:+
“Muna kuma kieno, ikubatuma kuna Babele yo bwisa e mbindi zawonso za mavitu,+
Akaladi bekaza mu kuma kia mpasi muna nzaza zau.+
15 Mono i Yave, wa Mvauki eno,+ wa Nsemi a Isaele,+ wa Ntinu eno.”+
16 I wau wuwu kavovele o Yave,
Ndiona oziulanga e nzila muna mbu
Ye yendelo muna maza mangolo,+
17 Ndiona ovaikisanga kalu dia vita yo mvalu,+
E vu kumosi ye makesa mankuma:
“Oyau bebwa, ke betelama ko.+
Befukiswa, bezimwa nga nlaku a nsing’a mwinda.”
18 “Nuvilakana mambu mankulu,
Ke nuyindula mana mavioka ko.
19 Tala! Se ivanga diambu diampa;+
Kana nkutu owau, mu vangama se dina.
Nga ke nubakulanga wo ko e?
20 E bulu ya mfuta ikunzitisa,
E mbulu ye seteleke,
Kadi mpene o maza muna nzanza,
Ye nkoko muna makanga,+
Kimana yanuika o nkangu ame una yasola,+
21 O nkangu una yasema mu kuma kiame,
Kimana wasamuna o nkembo ame.+
23 Kuntwasidi mameme ko ma tukau twaku twangioka
Ngatu kunkembelela muna yimenga yaku.
Kikomekene ko wantwasila lukau,
Ngatu kuyoyesa muna kulomba e ndumbu a nti a lebona.+
Kansi, undatisi e zitu dia masumu maku
Yo kungioyesa mu kuma kia bi waku.+
25 Omono, omono i Ndiona ovunzunanga makuzuka maku*+ mu kuma kia nkumbu ame,+
Kisungamena diaka masumu maku ko.+
26 Yambula twafundaziana. Unsungamesa;
Songa e ziku vo ndungidi una yau.
28 Muna kuma kiaki, isafula akuluntu a fulu kiavauka,
Ivana Yakobo kimana kafwaswa
Yo sakidika Isaele muna mvovo mia luvezo.+