Yeremiya
10 Nuwa diambu dina kavovele o Yave mu kuma kieno, e nzo a Isaele. 2 I wau wuwu kavovele o Yave:
“Ke nulongoka fu ya esi zula ko,+
Ke nuzakamena sinsu ina kuna zulu ko
Kadi esi zula bezakamenanga yo.+
3 Kadi e fu ya nkangu mpavala* kwandi.
Kumweni wo wonga ko, kadi ke ulendi vanga diambu diambi ko,
Ngatu vanga konso diambu diambote.”+
6 Kavena ona wafwanana yaku ko, e Yave.+
U nene, e nkumbu aku yanene ye yankuma.
7 Nani olembi kuvumina, e Ntinu a zula,+ kadi ngeye ofwene wo;
Kadi vana vena akwa ngangu awonso a zula ye muna yintinu yawonso,
Kavena ona ofwanane yaku ko.+
8 Awonso tunga ye mazowa.+
O luludiku lwa nti lwampavala* kikilu.+
9 E palata yatutwa kuna Tasisi itukanga,+ o wolo kuna Ufaze,
Salu kia nkwa umbangu, salu kia moko ma mvangi a lekwa ya sengwa.
E mvuatu miau mia nsinga mia se kia bule ye mia mika mia se kia nduwa.
Yau awonso salu kia akwa ngangu.
10 Kansi, Yave i Nzambi aludi.
Yandi i Nzambi amoyo,+ Ntinu a mvu ya mvu.+
Muna kuma kia makasi mandi, o ntoto uzakama,+
Kavena zula ko kizizidila e nsita za makasi mandi.
11 * I wau wuwu nufwete kubavovesa:
“E nzambi zina ke zavanga e zulu ye ntoto ko
Vila zivila ova ntoto yakuna nsi a zulu.”+
12 Yandi i Mvangi a ntoto muna nkum’andi,
Ona wasikidisa ntoto uyimanga mbongo muna ngangu zandi+
Yo yalumuna zulu muna umbakuzi wandi.+
13 Avo otatwidi e nding’andi,
O maza kuna zulu manikukini,+
14 Wantu awonso bevangilanga mambu muna uzowa yo kondwa kwa zayi.
Avangi awonso a lekwa ya sengwa befusuka e nsoni mu kuma kia teke yau yavalwa;+
Kadi e teke yau ya sengwa,* luvunu kwandi,
15 Ke ina mfunu ko,* salu kialuvezo kikilu.+
Vava kilwaka e lumbu kiau kia lufundisu, vila ivila.
16 E Kunku kia Yakobo ke kina nze lekwa yayi ko,
Kadi yandi wavanga lekwa yawonso,
O Isaele i nkau a vua diandi.+
Yave a vu i nkumbu andi.+
17 Zangula funda kiaku vana ntoto,
E nkento wazungwa kwa mbeni.
18 Kadi i wau wuwu kavovele o Yave:
19 Tâtu kwa mono mu kuma kia mpasi zame!+
E mput’ame ke ilendi sasuka ko.
Mpovele vo: “Kieleka, e kiaki i kimbevo kiame, mfwete kio zizidila.
20 E saba kiame kifwasukidi, e nsinga miawonso mia saba kiame mizatukini.+
Wan’ame bambembwele, ke bena diaka ko.+
Kavena muntu ko oyalumuna e saba kiame yovo telamesa nlele mia saba kiame.
Muna kuma kiaki, ke bavangidi oma ma ngangu ko,
O makambi mau mawonso mamwangane.”+
22 Wa! O nsamu ulweke!
Lufwasu lwampwena lukwizanga tuka kuna nsi ya node,+
Lwakitula e mbanza za Yuda se mfuta, se matininu ma mbulu.+
23 E Yave, nzeye wo vo, e nzil’a muntu ke ina muna wisa kiandi ko.