Wantete wa Petelo

3 Diau dimosi mpe, yeno akento, nusakalela akazi eno,+ kimana awana balembi lemvokelanga e Diambu dia Nzambi, babakilwa muna kadilu kia akento au, ke mu mvovo ko,+ 2 wau bemonanga e kadilu kieno kiambote+ kumosi yo vumi. 3 O vienga kweno ke kukadi kwa ku mbazi ko—nkangilu a nsuki, mvuat’a nkembo za wolo+ yovo mvuatu miantalu⁠— 4 kansi kwa kiwuntu kiaswekama kia ntima, muna mvuatu ulembi wolakana wa ntim’anleka yo lembama,+ una vo wantalu kikilu vana meso ma Nzambi. 5 Kadi i wau wuwu bayiviengeselanga akento avelela kuna nz’ankulu ana babundanga e vuvu muna Nzambi yo sakalela akazi au, 6 wauna Sara kalemvokelanga Abarayama yo kunyikila vo mfumu.+ Oyeno nukitukidi se wan’andi, wau nuvanganga mawete yo lembi mona wonga.+

7 Yeno akala mpe diau dimosi, nukadilanga yau kuna zayi.* Nuzitisanga akento+ nze kinzu kia kondwa ngolo, kadi oyau mpe avingidi a nsambu za moyo kumosi yo yeno,+ kimana e sambu yeno yalembi kakidilwa.

8 Dianu vo, yeno awonso nukala yo nyindu mosi,+ nukalanga e ntwadi muna ntangw’a mpasi ye kiese, nusongaziananga nzolani a ungudi ye nkenda+ yo lulembamu.+ 9 Ke nuvutula mbi muna mbi ko+ yovo malevo muna malevo.+ Nusambula kaka,+ e kuma kadi muna diadi i nuabokelelwa, kimana nuavua e nsambu.

10 Kadi “ndiona ozolele yangalela e zingu yo mona lumbu yambote, kafwete lunga-lunga lubini lwandi muna mbi+ yo nu’andi muna vova luvunu. 11 Yambula kavengomoka muna mambu mambi,+ kavanga mambu mambote;+ yambula kavava luvuvamu yo tatidila lo.+ 12 Kadi meso ma Yave* muna ansongi mena, o matu mandi mewanga e ndodokela zau,+ kansi Yave* osianga kitantu kw’awana bevanganga mambu mambi.”+

13 Ozevo, nani okunumwesa e mpasi avo nusidi mambu mambote e tima?+ 14 Kansi avo numwene mpasi mu kuma kia unsongi, nuyangalala.+ Ke numoni wonga ko wa mambu mana bemwenanga wonga wantu ankaka,* ngatu tokana.+ 15 Kansi nuzitisa Kristu se Mfumu muna ntima mieno, nukalanga nuakubama mu vana e mvutu kwa konso ndiona okunuyuvula e kuma kia vuvu kieno, kansi nuvangila wo kuna lulembamu+ yo vumi.+

16 Nukalanga ye ntona zambote,+ kimana konso ntangwa bekunuvovelanga e mbi, awana bekunuvovelanga e mbi bamona e nsoni+ mu kuma kia kadilu kieno kiambote nze alandi a Kristu.+ 17 Kadi avo i luzolo lwa Nzambi, disundidi o wete nuamona e mpasi mu kuma kia vanga mambu mambote,+ ke mu kuma kia vanga mbi ko.+ 18 Kadi Kristu wafwa nkumbu mosi kaka muna diambu dia masumu,+ nsongi a muntu muna diambu dia awana balembi songa,+ kimana kanusunzula kwa Nzambi.+ Wavondelwa muna nitu,+ kansi wavewa o moyo muna mwanda.+ 19 Muna mpila yayi i kayendela yo samuna kwa mianda mina muna pelezo,+ 20 mina miateka kolama ekolo Nzambi kavingilanga kuna luzindalalu* muna lumbu ya Noa,+ ekolo kiatungwanga e nzaza,+ ina yavuluzilwa wantu akete muna maza, i sia vo, nana dia wantu.*+

21 O luvubu, luna betela ye diambu diadi, owau lukunuvuluzanga mpe (ke lukatulanga mvindu a nitu ko, kansi i ndombelo a ntona zambote kwa Nzambi),+ muna lufuluku lwa Yesu Kristu. 22 Una kuna koko kwalunene kwa Nzambi,+ kadi wayenda kuna zulu; ambasi, akwa wisa ye akwa nkuma basiwa kuna nsi a wisa kiandi.+