Lusengomono kwa Yoane
19 I bosi, ngwidi nding’angolo nze ndong’ayingi kuna zulu. Bavovele vo: “Nukembelela YA!*+ O luvuluzu yo nkembo yo nkuma, wa Nzambi eto, 2 e kuma kadi mfundis’andi yaludi ye yansongi.+ Ofwasidi nkembi* anene ona wasafula e nza muna mavangu mandi ma zumba,* olende kunda kia menga ma ntaudi zandi mena vana moko ma nkembi.”+ 3 Vana vau, bavovele muna nkumbu wanzole vo: “Nukembela YA!*+ O mwisi a lufwasu lwandi ukwamanana tomboka yamu mvu ya mvu.”+
4 Akuluntu 24+ ye vangwa yau yá yamoyo+ ifukamene yo sambila Nzambi ona ovuende vana kunda, bavovele vo: “Amen! Nukembelela YA!”*+
5 E ndinga itukidi diaka vana kunda, ivovele vo: “Nukembelela Nzambi eto, yeno ntaudi zandi zawonso,+ yeno nukumvuminanga, andwelo ye anene.”+
6 Ngwidi e zú dina nze nding’a ndong’ayingi, nze zú dia maza mayingi, nze zú dia miandazi.* Divovele vo: “Nukembelela YA,*+ kadi Yave* wa Nzambi eto, wa Mpungu-ngolo+ oyantikidi yala!+ 7 Yambula twamona kiese yo yangalala, tumvan’o nkembo, e kuma kadi o longo lwa Mwan’a meme lulweke, o nkaz’andi okubamene kala. 8 Elo, oveno nswa kavuata nlele ukezimanga, wavelela, wa lino—kadi nlele a lino mavangu mansongi ma aveledi usunzulanga.”+
9 Umpovese vo “Soneka: Akwa nsambu awana babokeleso kuna nkinzi a longo lwa Mwan’a meme.”+ Umpovese diaka vo: “Omama i mambu maludi ma Nzambi.” 10 Dianu vo, mfukamene vana malu mandi kimana yansambila. Kansi umpovese vo: “Keba! Kuvangi wo ko!+ Omono mpe i ntaudi nze ngeye ye mpangi zaku ana bena ye kiyekwa kia sia kimbangi kia Yesu.+ Sambila Nzambi;+ kadi osia kimbangi kia Yesu i kani dia ungunza.”+
11 Mbwene zulu diziwukidi, kumonekene mvalu wampembe.+ Ndiona ofongele wo oyikilwanga vo Nkwa Kwikizi+ ye Ludi,+ ofundisi yo nuana e vita muna unsongi.+ 12 O meso mandi i nlaku a tiya,+ una ye banda* yayingi ya kimfumu vana ntu andi. Una ye nkumbu yasonama, ke vena muntu ko ozeye yo, yandi kibeni kaka, 13 ovuete mvuatu wazazwa o menga, e nkumbu andi, Diambu+ dia Nzambi. 14 E vu kia zulu kikunlandanga muna mvalu miampembe, bavuete nlele miampembe, miavelela, mia lino. 15 Muna nu’andi muvaikidi nsosolo watwá, wandá,+ una ke wandila e zula, okubavungula ye mvual’a sengwa.+ Vana ntandu, odiatakesa e kaminu dia vinyu a nsita za makasi ma Nzambi wa Mpungu-ngolo.+ 16 Muna mvuatu andi, i sia vo, vana tungi dia kulu kwandi, vasonama nkumbu vo: Ntinu wa atinu ye Mfumu a zimfumu.+
17 Mbwene mpe mbasi yankaka itelamene vana ntangwa, ibokele mu nding’a ngolo, ivovese nuni zawonso zitilumukanga kuna zulu, oku vo: “Nuiza kwaku, nualungalakana muna lambu diampwena dia Nzambi,+ 18 kimana nuadia e nitu za ntinu, ye nitu za mfumu za makesa, ye nitu za akwa ngolo,+ ye nitu za mvalu ye awana bafongele mio,+ ye nitu za wantu awonso, avevoki, abundu, andwelo ye anene.”
19 Mbwene bulu kiansisi ye ntinu mia nza ye vu yau ya makesa balungalakene kimana banuanisa ndiona ofongele vana mvalu ye vu kiandi kia makesa.+ 20 E bulu kiansisi kibakamene kumosi ye ngunz’aluvunu+ ona wavanganga e sinsu vana ndose andi ina kavukumuninanga awana batambula e dimbu kia bulu kiansisi+ ye awana basambila e teke kiandi.+ Batubilu bamoyo vana yanga dia tiya twambomoni ye lengo.+ 21 Kansi, ankaka bavondelo muna nsosolo wandá una uvaikidi muna nu’a ndiona ofongele vana mvalu.+ E nuni zawonso ziyukwiti e nitu zau.+