Maniongo ma Yeremiya
א [Alefa]
3 Omono mbwene wantu bemonanga e mpasi mu kuma kia lubamba lwa makasi mandi.
2 Ungingidi yo kundiatisila muna tombe, ke mu ntemo ko.+
3 Kieleka, yandi okumbangikanga e lumbu kiamvimba.+
ב [Bete]
4 Oyumisi nitu ame yo nkand’ame;
Otolwele visi yame.
5 Unzungidi; unzietes’e ndudi ya mpondi*+ ye mpasi.
6 Umvuandisi muna kingolo muna fulu ya tombe, nze awana bafwa kolo kiayingi.
ג [Ngimele]
7 Unzungidi e yaka, kimana yalembi tina;
Unkangidi muna tuvambu twa nsongo twazita.+
8 Vava ikazanga mu lomba lusadisu, obembolanga* e sambu kiame.+
9 Okakidi e nzila zame ye matadi mavalwa;
Otekekele mayendelo mame.+
ד [Dalete]
10 Oswekamene kankonda nze use, nze nkosi muna maswekameno.+
12 Ofumbikidi* mfumb’andi, unkitwidi se lekwa kina kenonga muna nzanz’andi.
ה [He]
13 Otobwele nsi ame a mbundu* muna nzanza za* kutu kiandi.
14 Nkitukidi se kuma kia tusevo kwa nkangu miawonso, se diambu dia yimbidila nkunga miau e lumbu kiamvimba.
15 Unzadisi ye lekwa ya ndudi, ungiukutisi ye malulu.+
ו [Wau]
17 Unkatwidi* luvuvamu; mpilakeno edi diambote.
18 Ikuma mpovele vo: “O nkembo ame uvididi ye vuvu kiame mpe muna Yave.”
ז [Zayine]
19 Yindula e mpasi zame yo kondwa kwa nzo,+ o malulu ye ndudi ya mpondi.+
20 Ongeye* okunsungamena kikilu yo kumvumbamena.+
21 Nsungamene dio omu ntim’ame; muna kuma kiaki ivingila ye luzindalalu lwawonso.+
ח [Hete]
23 Zivangulukanga konso mene;+ e kwikizi kiaku kianene.+
24 “Yave i kunku kiame,”+ mpovele vo,* “i dianu ikumbundila e vuvu kuna luzindalalu.”+
ט [Tete]
25 Yave wambote kw’awana bekumbundanga e vuvu,+ kwa ndiona okumvavanga.+
26 Diambote mu kala e pi-i yo vingila luvuluzu lutuka kwa Yave.+
27 Diambote kwa muntu kanata e vangu muna kileke kiandi.+
י [Yode]
28 Yambula kavuanda yandi kaka yo dingalala vava Nzambi kekuntenseka kio.+
29 Yambula kasia o nu’andi muna ntoto;+ nanga valenda kala ye vuvu.+
30 Yambula katamba e bundi kwa ndiona okunwanda; yambula kazala yo luvezo.
כ [Kafe]
31 Kadi Yave ke kutubembola yakwele mvu ko.+
32 Kana una vo omwesese ntantu, ofwila mpe nkenda mu kuma kia ulolo wa walakazi wandi.+
33 Kadi ke dina mu ntim’andi ko edi dia twasa ntantu yovo kendeleka wan’a wantu.+
ל [Lamede]
34 Odiatakesa abakami awonso a nza kuna nsi a tambi,+
35 Olembi vana e ndungidi kwa muntu vana ndose a Mpungu-nene,+
36 Ovunginika muntu vava kefundiswanga
—Yave ke tondanga mambu mama ko.
מ [Meme]
37 Nani olenda vova diambu, diavangama kele vo Yave kakanikini dio ko e?
38 Muna nu’a Mpungu-nene,
Ke muvaikanga mambu mambi ko, kansi mambu mambote kaka.
39 Ekuma muntu wa moyo kafwete yidimina e mfwilu mia sumu diandi?+
נ [Nune]
40 Yambula twafimpa yo tonta e nzila zeto,+ yambula twavutuka kwa Yave.+
41 Yambula twadodokela Nzambi kuna zulu yo ntim’a sikila yo zangula moko meto, oku vo:+
42 “Tusumukini yo kolama,+ kutulolokele ko.+
ס [Sameke]
44 Okakididi nzil’aku ye tuti kimana twalembi kufinama, e sambu kieto kialembi vioka.+
45 Utukitwidi se mvindu ye titi vana vena nkangu.”
פ [Pe]
46 E mbeni zeto zawonso batuyasunuini e nua.+
47 O wonga yo ntambu i kunku tutambwidi,+ lufwasu yo kosomoka.+
48 O mansanga makukwidi mu meso mame mu kuma kia lufwasu lwa mwan’ankento a nkangu ame.+
ע [Ayine]
49 O meso mame medilanga lembi vuena ngatu dingalala,+
50 Yavana Yave katadidi yo mona tuka kuna zulu.+
51 O meso mame mambwesese mpasi mu kuma kia wan’amakento awonso a mbanza ame.+
צ [Tsade]
52 E mbeni zame bankondele kondwa kuma nze nuni.
53 Bamanisi o moyo ame muna wulu; bantubidi o matadi.
54 O maza mafukidi e ntu ame, mpovele vo: “Mfwidi kwame!”
ק [Kofe]
55 E Yave, mbokele nkumbu aku tuka muna wulu diakoboka.+
56 Wá nding’ame; kukaki matu maku ko muna kazu kiame kia luvevoko.
57 Ofinamene muna lumbu kina ibokele. Ovovele vo: “Kumoni wonga ko.”
ר [Rese]
58 E Yave, tala diambu dia mfundu ame, okûdidi moyo ame.+
59 E Yave, omwene mbi mpangilu; dodokolo fundisa e diambu diame muna unsongi.+
60 Omwene kunda yawonso bandende yo makani mau mambi mawonso omu mono.
ש [Sin] yovo [Sine]
61 E Yave, owidi e fingu yau, mambu mawonso bankanini,+
62 E mvovo mia* mbeni zame ye ngidima zau mu mono, e lumbu kiamvimba.
63 Ubatala; diakala bavuanda yovo batelama, bekunsembanga muna nkunga miau!
ת [Tau]
64 E Yave, okubavutulwila mun’owu wa mavangu mau.
65 Okubabadisa e ntima, ekiaki i sibu kiaku kwa yau.
66 Okubalakamena muna makasi maku yo kubafukisa kuna nsi a zulu dia Yave.