Nkunga
Kuna kwa ntwadisi a nkunga; wa Yedutune.*+ Nkung’a Davidi.
Isia nkaku muna nu’ame+
Ekolo kimpumbulu kena vava ngina.”
2 Nkitukidi baba, nkedi pi-i;+
Kana nkutu muna diambu diambote ndingalele kwame,
Kansi, ndunzi zame zisakidi.*
3 O ntim’ame uyangamene.*
Ekolo ngindwidi,* tiya tukweme.
I bosi mpovele vo:
4 “E Yave, unsadisa yazaya mbaninu ame,
Ye tezo kia lumbu yame,+
Kimana yazaya vo e zingu kiame kiankufi kikilu.
Kieleka, wantu awonso, kana nkutu ndiona omonekene vo wasiama, mwaya kwandi.+ (Sela)
6 Kieleka, wantu awonso bekwendanga yo kwiza nze kini.*
Nkatu-nkatu befutunganga.*
Bewokesanga kimvuama, kansi ke bazeye ko kana nani ovuila kio nluta.+
7 Nki diaka ndenda vingila, e Yave?
Ngeye kaka i vuvu kiame.
8 Umpevola muna masumu mame mawonso.+
Kuyambula ko vo zowa kansakanena.
9 Ndingalele;
Kilendele ziula nua ko,+
Kadi ngeye ovangidi wo.+
10 Katula e vuku eki untwasidi.
Ngioyele kadi koko kwaku kungwende.
11 Ngeye otumbanga muntu mu kuma kia bi wandi;+
Ofwasanga lekwa ina keyangalelanga nze nselele.
Kieleka, wantu awonso mwaya kwandi.+ (Sela)
12 Wá sambu kiame, e Yave,
Tamba matu muna kazu kiame.+
Kuvezi mansanga mame ko.
13 Kuntadi kuna lusembo ko kimana yayangalala
Ekolo kiayele ko yo vila.”