Kuna Kwa Ayibere
2 Muna kuma kiaki, diamfunu twatoma sianga e sungididi muna mambu twawa,+ kimana twalembi vukumunua.+ 2 Kadi, avo diambu diavovelwa muna mbasi+ diasikila, konso sumu ye ukolami watambula tumbu kiansongi,+ 3 aweyi tuvengela e tumbu avo tubembwele luvuluku lwalu lwanene?+ Kadi lwateka vovelwa kwa Mfumu eto+ ye awana bawa lo, batusikidisila lo, 4 ekolo Nzambi kabayikama muna sia umbangi muna sinsu ye masivi ye mavangu ma mpila mu mpila ma nkuma+ ye muna mwand’avelela una kakayanesa mun’owu wa luzolo lwandi.+
5 Kadi ke mu ambasi ko kasakidikila e nza ikwiza,+ ina tuvovelanga. 6 Kansi vena yo muntu wasia kimbangi mu sono kimosi, oku vo: “O muntu nki, kimana wanyindula? Yovo mwan’a muntu nki, kimana wanlunga-lunga?+ 7 Wansakidika kikilu vana vena ambasi; wamvuika kolow’a nkembo yo zitu, wamvana kiyekwa kia salu ya moko maku. 8 Wasakidika lekwa yawonso kuna nsi a tambi yandi.”+ Wau kasakidika lekwa yawonso kwa yandi,+ Nzambi kasisa lekwa ko kilembi kunsakalela.+ Kansi owau, ke tumwene ntete ko vo lekwa yawonso insakalele.+ 9 Kansi tumonanga Yesu, ona wasakidikwa vana vena mbasi,+ wavuikwa kolow’a nkembo yo zitu wau kamona e mpasi yamuna lufwa,+ kimana muna nsambu za Nzambi kayeleka lufwa mu kuma kia wantu awonso.+
10 Kadi diansongi kwa ndiona una vo muna kuma kiandi ye muna yandi mpe lekwa yawonso inina, muna twasa wana ayingi kuna nkembo,+ kazikula o Ntu a luvuluzu+ lwau muna mpasi.+ 11 Kadi, ndiona ovaulanga y’awana bevaulwanga,+ yau awonso kwa se dimosi batuka,+ muna kuma kiaki ke monanga nsoni ko za kubayikila vo mpangi,+ 12 kadi wavova vo: “Samuna isamuna nkumbu aku kwa mpangi zame; ikukembelela muna nkutakani muna nkunga.”+ 13 Wavova diaka vo: “Isia vuvu kiame kwa yandi.”+ Wavova diaka vo: “Nutala! Omono yo wana ana kampana o Yave.”*+
14 Wau vo o “wana” bena e ntwadi muna menga ye nitu, oyandi mpe una e ntwadi muna menga ye nitu,+ kimana muna lufwa lwandi kafwasa ndiona una yo nkuma wa twasa lufwa,+ i sia vo, Nkadi ampemba,+ 15 kimana kakûla awonso ana babundunua kwa wonga wa lufwa,+ zingu kiau kiawonso. 16 Kadi ke yikamanga ambasi ko, kansi mbongo ya Abarayama kaka keyikamanga.+ 17 I kuma kafwananena ye “mpangi” zandi muna mambu mawonso,+ kimana kakituka se ngang’ambuta wa nkwa nkenda ye kwikizi muna mambu ma Nzambi, kimana katambika kimenga kia luloloko+ lwa masumu ma wantu.+ 18 Wau vo yandi kibeni wamona e mpasi vava katontwa,+ wafwana mu sadisa awana betontwanga.+