Yesaya
44 “Owau wá, e Yakobo wa selo kiame,
Ongeye, e Isaele, ona yasola.+
Ibungula o mwand’ame muna mbongo aku+
Ye nsambu zame muna wan’aku.
4 Bemena vana vena e titi yankunzu,+
Nze nti mia alava vana ndambu a nkoko mia maza.
5 O mosi ovova vo: “Omono kwa Yave mvuilu.”+
Wankaka okukiyikila muna nkumbu a Yakobo,
Kansi, wankaka osoneka vana koko kwandi vo: “Kwa Yave mvuilu.”
Ye okuyivana e nkumbu a Isaele.’
‘Mono i wantete ye mono i wansuka.+
Ke vena Nzambi yankaka ko, mono kaka.+
7 Nani ofwanane yame?+
Kazangula e ndinga, kavova wo yo kunsonga e ziku!+
Yambula bayika mambu mekwiza
Ye mana mesinga vangama,
Wauna ivanganga tuka muna ntangwa yasikidisa o nkangu a nz’ankulu.
Nga kizayisi dio ko yo samuna dio kwa konso muntu mu yeno vitila diavangama e?
Yeno nu mbangi zame.+
Nga vena diaka ye Nzambi yankaka avo ke mono kaka ko e?
Nkatu, ke vena Tadi diankaka ko;+ kizeye kana dimosi ko.’”
9 Awonso bevanganga e teke yavalwa ke bena mfunu ko,
E lekwa yau ina betoma zolanga ke itwasa nluta ko.+
Nze mbangi zau, ke imonanga* diambu ko ye ke izeye diambu ko,+
Muna diadi, awana bevanganga yo, nsoni befusulwiswa.+
11 Tala! Akwandi awonso nsoni befusulwiswa!+
Akwa umbangu mpasi wantu kwandi.
Yambula awonso bakutakana yo baka e fulu yau.
Oyau bezakama yo fusulwiswa e nsoni kumosi.
12 O mvangi a lekwa ya sengwa osianga e sengwa vana makala muna sadilwa kiandi.*
Otutanga kio muna malutelo,
Yo singika kio muna ngolo za koko kwandi.+
I bosi, omwene nzala yo yovoka;
Wau vo kanuini maza ko, oyoyele.
13 O mvadi a nti onanikanga o nsing’a tezela, ovanganga e fwaniswa vana baya muna mpemba ya mbwaki.
Ovalanga dio muna vadilwa kia mabaya yo sia dio e sinsu muna kompase.
14 Vena yo muntu una vo salu kiandi i zenga e nsedele.
Osolanga e mpila nti, nti a terebinte,
Oyambulanga wo yavana ukola vana vena e nti mia mfinda.+
Okunanga nti a loreye, e mvula ikolesanga wo.
15 I bosi, ukitukanga se nkuni zina muntu kelungila o tiya.
Obonganga e ndambu andi muna yotela;
Okwikanga tiya yo yoka e mbolo.
Kansi, ovangilanga wo mpe nzambi yo sambila yo.
Ovangilanga wo e teke yo vumbama vana ntadisi andi.+
16 E ndambu andi olungilanga yo tiya;
Oyangilanga yo e mbizi, odianga yo yukuta.
Oyotelanga mpe yo vova vo:
“Aa! Ngiandukidi wau mbwene o tiya.”
17 Kansi, e ndambu a nti isidi ovangilanga yo nzambi, ovangidi yo teke kiavalwa.
Ovumbamene kio yo sambila kio.
Osambidi kwa yandi, oku vo:
“Umpuluza, kadi ngeye i nzambi ame.”+
18 Oyau ke bazeye diambu ko, ke bebakulanga kana diambu dimosi ko,+
Kadi o meso mau mazima, ke balendi mona ko,
E ntima miau ke mina yo umbakuzi ko.
19 Ke mosi nkutu ko oyindulanga muna ntim’andi
Ngatu kala yo zayi yovo umbakuzi mu vova vo:
“E ndambu andi ngiokele yo vana tiya
Ngiokele e mbolo yo yangila e mbizi ndidi vana makala mandi.
Nga e ndambu isidi mfwete yo vangila lekwa kiangemi e?+
Nga mfwete sambila e tini* kia baya kitukidi muna nti e?”
20 Muntu ndioyo una nga muntu odidi ntoto ampolo.
O ntim’andi uvunginikinu yo kumvengomona.
Kalendi kuyivuluza ko ngatu vova vo:
“Nga ke lekwa kialuvunu ko kina ova koko kwame kwalunene?”
21 “Sungamena mambu mama, e Yakobo, yo ngeye, e Isaele,
Kadi ongeye u selo kiame.
Mono yasema, ongeye u selo kiame.+
E Isaele, kikuvilakana ko.+
22 Ivunzuna makuzuka maku nze mau mafukilu kwa tuti+
Yo masumu maku nze mau mafukilu kwa tuti dianene.
Vutuka kwa mono, ikukûla.+
23 Kaza ye kiese, ongeye zulu,
Kadi Yave ovangidi diambu!
Nukaza e kazu kiansundidi, oyeno nsi a ntoto!
Nukaza ye kiese, oyeno miongo,+
Ngeye mfinda, ye nti miaku miawonso!
Kadi Yave okûdidi Yakobo,
Osongele wete wandi muna Isaele.”+
24 I wau wuwu kavovele o Yave wa Nkûdi aku,+
Ona wavanga tuka muna vumu kia ngudi aku:
“Mono i Yave, ona wavanga lekwa yawonso.
Nani wakala yame ntwadi?
25 Mono ifungisanga e sinsu ya ngunza zaluvunu,*
Mono i Ndiona ofilanga e nganga za ngombo mu vanga mambu ma kilau;+
Ndiona ovunzakesanga e ngindu za akwa ngangu
Yo kitula o zayi wau se uzowa;+
26 Ndiona olunganesanga o mvovo a selo kiandi
Yo lunganesa mambu mavovua kwa anati andi a nsangu;+
Ndiona ovovanga kwa Yerusaleme vo: ‘Izingilwa kwa wantu,’+
Kwa mbanza za Yuda vo: ‘Zitungululwa,+
Itungulula e mazumbu mandi;’+
27 Ndiona ovovesanga maza masina vo: ‘Yuma,
Iyumisa e nkoko miaku miawonso’;+
28 Ndiona ovovanga mu kuma kia Kurese vo:+ ‘Oyandi i mvungudi ame,
Oyandi olungisa luzolo lwame lwawonso’;+
Ndiona ovovanga mu kuma kia Yerusaleme vo: ‘Itungululwa,’
Ye mu kuma kia tempelo vo: ‘E nkubilwa aku kubwa ikubwa.’”+