Yobi
36 Eleyu okwamanene:
2 “Kala yo luzindalalu muna kungwa ekolo ivovanga,
Kadi yakinu ye mambu ma vova muna wete dia Nzambi.
3 Vova ivova mawonso nzeye
Yo samuna vo unsongi wa Mvangi ame.+
4 Kieleka, mambu mame ke maluvunu ko;
Ndiona walunga muna zayi+ una ova ndose aku.
7 Kevengomona meso mandi muna ansongi ko;+
Okubavuandisa vana kunda kumosi ye atinu*+ yo kubatundidika yakwele mvu.
8 Kansi, avo bakangwa muna tuvambu
Yo kangwa mu nsinga miampasi,
9 Ubasongele dina bavangidi,
Ye masumu ma lulendo lwau.
10 Oziulanga matu mau kimana bawá longi
Yo kubavovesa vo bavengomoka muna mbi.+
13 Akwa ntima mia umpumbulu* belunda makasi.
Ke belomba lusadisu ko kana nkutu ubakangidi.
15 Kansi Nzambi* okûla mimbona mpasi muna mpasi zau;
Oziula matu mau vava bebangikwanga kimana banwila.
16 Ukatwidi muna mpasi,+
Unete vana fulu kiasanzuka, eki kiakondwa nkakalakani,+
Vana meza maku vesiwa madia mambote muna kufiaulwisa.+
17 I bosi, oyangalela mfundis’a yimpumbulu,+
Vava mfundu uzengwa yo sikidisa unsongi.
18 Kansi, uyikenga kimana nganzi zalembi kufila muna landa e kunda,*+
Kuyambula ko e mbabu yanene yavukumuna.
19 Nga okaza mu lomba lusadisu,
Yovo e ngolo zaku zawonso zikuvevola muna mpasi?+
20 Kulakukilwa fuku moyo ko,
Vava wantu bevilanga muna fulu yau.
21 Uyikenga walembi vutukila vangu diambi
Yo sola dio vana fulu kia tambulwila e mpasi.+
22 Tala, Nzambi osundidi muna nkum’andi;
Nkia nlongi ofwanane yandi?
25 Wantu awonso bemonanga mo,
Kansi kwandá betadilanga mo.
27 Otombolanga matonsi ma maza;+
E wisisi kikangamanga yo noka se mvula;
28 I bosi matuti metiamunanga mo;+
Metiamunanga mo kwa wantu.
32 Ofukanga nsemo muna moko mandi,
Ofilanga mio konso kuna kazolele.+
33 O mwandazi andi usamuna e ngiz’andi,
E twelezi nkutu isamunanga ndiona* okwizanga.