Ntoto wa Paradiso

Yave osukisa e mbi yawonso ivanganga Satana. Yave wasola Yesu kakala Ntinu a nza yawonso. Muna luyalu luandi, e nza yikituka se paradiso.—Daniele 7:13, 14; Luka 23:43.

Yave wasia nsilu emi:

• MADIA MAYINGI: “O ntoto uyimini mbongo andi: O Nzambi, wa Nzambi eto okutusambula.” “O ulolo wa masa ukala muna nsi, yakuna ntandu a miongo.”—Nkunga 67:6; 72:16.

• KE VEKALA DIAKA VITA KO: “Nwiza nwatala mavangu ma Yave, O makumbu kasis’ova nza. Osima vita yakuna nsuk’a nza.”—Nkunga 46:8, 9.

• KE VEKALA WANTU AMBI KO: ‘Kadi amimpanga-mayi kendonwa bekendonwa . . . Finkolo-kolo kaka, o mpumbulu, kekala diaka ko: Kan’otomene tala fulu kiandi, nkatu kwandi.’—Nkunga 37:9, 10.

• 

  KE VEKALA DIAKA MAYELA, NKENDA NGATU LUFWA KO: “O meso ma mpofo metemoka, o matu m’afwa matu mekakuka. O nkw’evola olemoka nze mvudi, o lubini lu’ebaba luyimbila.”—Yesaya 35:5, 6.

  “Nzambi yandi kibeni okala yau, se Nzambi au: [o]kunguna mansanga mawonso muna meso mau; o lufwa, ke lukala diaka ko; musungula kala diaka dilu, yovo kazu, ngatu mpasi: oma mantete maviokele.”—Lusengomono 21:3, 4.

Yave ke vunanga ko, ne i Satana ye nkwiya miandi. Mawonso kakana melungana kaka. (Luka 1:36, 37) Yave okuzolanga, ozolele vo o ngeye wazinga muna Paradiso kevanga. Ozevo, yikama y’a Mbangi za Yave wa longoka diaka o mambu m’esivi ma ludi mena muna Diambu dia Nzambi. Ovo odiatila mun’owu wa ludi muna zingu kiaku, okûluka muna ubundu wa luvunu, ye nkikulu yo vilwa. Kuna sentu, okûluka muna uwayi w’esumu yo lufwa. Nze i una kavov’o Yesu: “Nwazay’e ludi, e ludi kikunukitula se mfumu [“e ludi kikunuvevola,” NW].”—Yoane 8:32.