Nkand’a Nzambi Lusalu Lwantalu

1.Tuna yo nkanda usundidi ntalu,

Uvana kiese, vuvu kwa wantu.

E nsangu zandi zambote yo nkuma;

Zivana moyo yo mwesa “mpofo.”

Nkanda wau, Nkand’a Nzambi amoyo.

Wasonekwa mu ngolo za Nzambi,

Kwa wantu basolwa kwa Yave Nzambi,

Bazadiswa yo mwand’avelela.

2.Basoneka lekwa Nzambi kasema,

Yo nkuma wandi kasemena yo.

Bavovela mpe mpatu ya Edene

Mûna kasumukina o muntu.

Bayika mpe mbasi wa mbeni’a Nzambi

Ona wafidisa Yave mpaka.

Watwasa sumu ye mpasi kwa wantu,

Ke kolo ko Yave okumfwasa.

3.E ntangwa tuzingilanga ya kiese:

Kintinu kia Nzambi kiyalanga.

Tusamuna e nsangu za Kintinu

Nsambu zingi kitwasa kwa wantu.

Nkand’a Nzambi, nto a nsangu zambote;

Ye madia ma kimwanda tudianga.

Luvuvamu utwasanga kwa wantu;

O Nkand’a Nzambi tutanganga wo.