Avo Kingiana-ngiana Oziwidi e Kielo

Avo kingiana-ngiana oziwidi e kielo, tufwete kunzayisa vo tuzolele mokena yo mase mandi. Ediadi disonga luzitu kwa ndiona ovitanga o ntu muna nzo. (Nga 6:20) Avo kingiana-ngiana utuvovese vo twakota mu nzo, tufwete kumvana e mvutu kuna ndekwa mu lembi kota. Avo mase mandi ke bena ko, tufwete vutuka lumbu yovo ola yankaka.

Kana nkutu vo mwana se mbuta, dilenda kala vo oviokele kimbuta kia mvu kumi, diambote twayuvula mase mandi. Avo ke bena ku nzo ko, tulenda kunyuvula kana vo mase mandi beyambulanga vo kasola mana ketanga. Avo beyambulanga, tulenda kunkayila nkanda yovo kunsonga e nzil’eto ya jw.org.

Vava tuvutuka kingula nleke osongele luzolo lwambote, tufwete vava wanana ye mase mandi. Ediadi dikutusadisa mu sasila ekani dia nkingul’eto yo kubasonga luludiku lwamfunu balenda bunda e vuvu luna muna Nkand’a Nzambi mu kuma kia esi nzo. (Nku 119:86, 138) Vava tusonganga luzitu kwa mase dikutusadisanga mu sila umbangi wambote yo kutuvana mpe e lau dia samuna e nsangu zambote kwa esi nzo.—1 Pet 2:12.