E Nkunga mia Kintinu Kasakesa Mikasakesanga

Paulu yo Sila bakembelela Nzambi muna nkunga ekolo bakala muna pelezo. (Mav 16:25) Omu lumbu yeto, mpangi zeto bayimbila nkunga mia kintinu ekolo bakala kuna Sachsenhausen, fulu kiasadisilwanga salu yangolo muna luyalu lwa Nazi kuna Alemanha ekolo wantu bakala muna kinkole kuna Sibéria. E nona kiaki kisonganga una nkunga mieto mia Kintinu mikasakeselanga Akristu vava bewanananga yo lubangamu.

Ke kolo ko, ndinga zayingi zitambula nkanda nkunga una yo ntu a diambu, “Tuyimbidila Yave ye Kiese.” Wau vo konso muntu okala yo nkand’andi a nkunga, tulenda mio longoka muna nsambila ya esi nzo. (Efe 5:19) I bosi, o mwand’avelela ukutusadisa mu sungamena mio avo tuwanane yo lubangamu. E nkunga mia Kintinu milenda kutusadisa mu sia e sungididi muna vuvu kieto. Milenda kutukasakesa vava tubangikwanga. Vava tukalanga ku kiese, e nkunga mia lukasakeso mikutusadisanga mu ‘yimbila ye kiese kiawonso’ mu kuma kia luyangalalu lwa ntim’eto. (1 Tus 15:16; Nku 33:1-3) Muna kuma kiaki, yambula twatoma sadilanga e nkunga mieto mia Kintinu.

TALA E VIDEO INA YO NTU A DIAMBU, NKUNGA MIKASAKESANGA, I BOSI VANA E MVUTU ZA YUVU ILENDE:

• Nkia diambu diafila mpangi Frost mu soneka e nkunga?

• Aweyi o nkunga wau wakasakesela ampangi kuna Sachsenhausen kuna basadisilwanga e salu yangolo?

• Mu nkia mambu ma lumbu ke lumbu e nkunga mia Kintinu milenda kukasakesela?

• Nkia nkunga wa Kintinu ozolele sia muna ntu?