Tutomesa Ndekwa Zeto Muna Salu Kia Umbangi—Sobanga e Moko

EKUMA DININ’O MFUNU: Akristu akuswa ye mameme mankaka bebokelanga wantu a mpila zawonso beza nua “o maza ma moyo e ngovo.” (Lus 22:17) O maza mama mesunzulanga e nkubika zawonso kevanganga o Yave za kûla wantu muna sumu yo lufwa. Muna sadisa o wantu bena ye fu ya kisi nsi ye mabundu maswaswana, tufwete kubazayisa e “nsangu zambote” mu mpila zilenda simbila o ntima wa konso muntu.—Lus 14:6.

UNA TULENDA WO VANGILA:

• Sola o ntu a diambu ye sono kilenda simba e ntima mia wantu muna zunga kiaku. Olenda sola nsuzula zaleboka yovo diambu dina wasadila kala diatwasa e nluta. Nkia mambu yovo sono itoma twasanga e nluta? Nga vena ye diambu diavangamene dina o wantu betoma mokenenanga? Nkia diambu dilenda simba e ntima mia wantu?

• Vava okubikanga e nsunzula zaku, yindulanga e mpila ikayisilwanga o wantu muna zunga kiaku yo yindula e fu yau ya kisi nsi.—2 Kor 6:3, 4

• Vava toma zaya e nkanda ye video zina muna Salanganu yeto ya Longela yo songa zo kwa konso muntu osongele luzolo lwambote

• Bandula e nkanda yovo video muna ndinga ina o wantu bevovanga muna zunga kiaku

• Sobanga e moko mun’owu wa nsantu za muntu omokenanga yandi. (1Kor 9:19-23) Kasikil’owu, Adieyi olenda vova avo obakwidi vo muntu omokenanga yandi ke kolo ko kafwidilu e yitu?

TALA E VIDEO, I BOSI, VANA E MVUTU ZA YUVU ILENDE:

• Nkia diambu o nteleki kayantikidi mokenena yo mfumu a nzo?

• Nkia diambu kenuananga diau o mfumu a nzo?

• Nkia sono o nteleki kamwene vo kiamfunu muna kolo kiokio, ekuma?

• Aweyi osobelanga e moko yaku kimana yasimba e ntima mia wantu muna zunga kiaku?