SILA UMBANGI UNA UFWENE | WOKESA E KIESE KIAKU MUNA SALU KIA UMBANGI
Sadisa Alongoki a Bibila Bendanga Muna Tukutakanu
O tukutakanu tweto i dimosi muna mambu mamfunu mevavuanga muna nsambil’avelela. (Nku. 22:22) Vava tulungananga muna sambila Yave, e kiese kieto kiwokelanga, nsambu zayingi tuvuanga. (Nku. 65:4) Nkumbu miayingi alongoki a Bibila ana belungananga muna tukutakanu, benungunukanga mu nzaki.
Aweyi olenda sadisila alongoki aku a Bibila balungananga muna tukutakanu? Kwamanana kubabokela. Ubasonga e video, Nkia Mambu Mevangamanga Muna Seka dia Kintinu? Yika e nluta mia tukutakanu. (Zinga ye Kiese longi dia 10) Olenda kubazayisa diambu diasikididi walongokele muna lukutakanu yovo diambu dilongokwa muna lukutakanu lulanda. Ubavana e nkanda misadilwa muna lukutakanu. Olenda mpe kubavana lusadisu lwasikididi, nze kubanata muna kalu diaku kimana nuenda ku lukutakanu. Konso ngolo ovanga muna sadisa o nlongoki, nluta zitwasa vava kelungana muna lukutakanu mu nkumbu antete.—1 Kor. 14:24, 25.
TALA E VIDEO, SADISA ALONGOKI AKU BENDANGA MUNA TUKUTAKANU. I BOSI, VANA E MVUTU ZA YUVU ILENDE:
Nkia lau kasadidi Anita muna bokelesa Petala kenda mu lukutakanu?
Ekuma tuyangalelanga vava alongoki bekwizanga mu tukutakanu?
“Nzambi wina kieleka vovo nuina”
Nkia diambu kamona o Petala muna nkumbu antete kayenda mu lukutakanu?