Zizidila e Mpasi za Kondwa e Nzimbu Lembi Dimbula e Vuvu

Omu lumbu yayi yambaninu, e zingu kiazala ye mpasi. Ekolo e nza yayi ikwendanga ku mfoko, e mpasi zikwamanana wokela. Kana nkutu lekwa yeto ilenda vila kuna kinsalukisa. (Kab. 3:16-18) Nki kilenda kutusadisa mu zizidila e mpasi za kondwa e nzimbu lembi dimbula e vuvu? Tufwete kwamanana bunda e vuvu kwa Yave wa Nzambi eto. Kadi osianga nsilu wa lunga-lunga e selo yandi yo lungisa e nsatu zau kana nkutu muna ntangw’a mpasi.—Nku. 37:18, 19; Ayib. 13:5, 6.

Mana olenda vanga:

• Lomba luludiku lwa Yave, ngangu yo lusadisu lwandi.—Nku. 62:8

• Kala ye tima dia tambulwila e salu kina kwateka sala ko.—Sikama! dia 1/10 luk. 8-9, babu

• Kwamanana kuyivana muna mambu mamfunu nze tanga Bibila lumbu yawonso, lungana muna tukutakanu yo salanga e salu kia umbangi

TALA E VIDEO, TUNGA NZO INA IZINGA YAKWELE MVU—“YANGALELA INA UNA YAU.” I BOSI, VANA E MVUTU ZA YUVU ILENDE:

• Nkia mpasi bawanana zau esi nzo bayikilu muna video?

• Nkia diambu disundidi o mfunu muna zingu kieto?

• Aweyi tulenda sadisila awana benuananga ye mpasi za kondwa e nzimbu?