ZINGU KIA KIKRISTU
Avungudi ana Besalanga Muna Wete dia Nkangu a Yave
Wantu ayingi ke bebundanga vuvu ko kwa awana bena ye wisa. Ekuma? Muna lusansu lwawonso lwa wantu, awana bena ye wisa ke besadilanga kio mu mpila yambote ko. (Mika 7:3) Tuvutulanga matondo wau vo akuluntu muna nkutakani belongwanga basadila e wisa kiau muna wete dia nkangu a Yave.—Est. 10:3; Mat. 20:25, 26.
Nswaswani ye wantu a nza ana besadilanga e wisa kiau mu mpila yambi, akuluntu bevungulanga e kambi mu mpila yambote mu kuma kia zola kwau muna Yave yo nkangu andi. (Yoa. 21:16; 1 Pet. 5:1-3) Wau vo besadilanga luludiku lwa Yesu, avungudi awaya besadisanga konso nteleki mu toma finama Yave yo kuyimwena vo una muna kanda diandi. Bevananga lusadisu lwa mwanda ye lwa nitu mu nzaki vava bevuanga lusadisu lwa madotolo o mfunu yovo vava vebwanga e sumbula. Avo lusadisu ovuidi o mfunu, mokena ye mosi muna akuluntu a nkutakani eno.—Yak. 5:14.
TALA E VIDEO, AVUNGUDI ANA BETOMA LUNGA-LUNGANGA E KAMBI. I BOSI, VANA E MVUTU ZA YUVU ILENDE:
Aweyi mpangi Mariana kavuila e nluta muna lusadisu katambula kwa akuluntu?
Aweyi mpangi Elias kavuila e nluta muna lusadisu katambula kwa akuluntu?
Wau otadidi e video yayi, aweyi omwene mu kuma kia salu besalanga akuluntu?