ZINGU KIA KIKRISTU
Amase—Nusadisa o Wan’eno Bavua e Ngangu za Ntandu
Imosi muna mpila isundidi ina amase balenda sadisila o wan’au mu vua e ngangu za ntandu, ikubasadisa bavua nluta muna tukutakanu. Mana aleke bemonanga, wá yo vova muna mvutu bevananga muna tukutakanu, mekubasadisanga mu longoka mu kuma kia Yave yo kituka akundi andi. (Nsi. 31:12, 13) Avo u se yovo ngudi, aweyi olenda sadisila mwan’aku mu vua nluta muna tukutakanu?
Vanga e ngolo mu lembi kondwa muna tukutakanu kuna Seka dia Kintinu.—Nku. 22:22
Vanga ngolo muna viokesanga e ntangwa vamosi ye ampangi kuna lubantiku ye kuna mfoko a lukutakanu. —Ayib. 10:25
Vava zaya kana vo konso muntu muna nzo una ye nkanda misadilwa muna lukutakanu kiakala mianietekwa yovo muna telefone zau
Sadisa mwan’aku kakubika e mvutu muna mvovo mia yandi kibeni.—Mat. 21:15, 16
Vovela mu mpila yambote oma ma tukutakanu ye malongi tutambulanga
Sadisa o wan’aku bakivana muna salu kia velelesa e Seka dia Kintinu yo vava mokena ye ampangi bena vo ambuta muna nkutakani
O sadisa o wana bakala ye ngwizani ambote yo Yave, ke salu kiakete ko, ezak’e ntangwa nkutu olenda yoya. Kansi, kala ye ziku vo Yave okusadisa.—Yes. 40:29.
TALA E VIDEO, AMASE, NUBUNDANGA YAVE E VUVU YO NKUM’ANDI. I BOSI, VANA E MVUTU ZA YUVU ILENDE:
Aweyi Zack yo Leah bamonanga mu kuma kia lutovoko?
Ekuma mase bafwete bundilanga e vuvu muna nkum’a Yave?
Aweyi Zack yo Leah babundila e vuvu muna lusadisu lwa Yave