20-26 KIA MAYU
NKUNGA 40-41
Nkunga wa 102 ye Sambu | Mvovo Miantete (Min. 1)
1. Ekuma Tusadisilanga Akaka?
(Min. 10)
O sadisa akaka, kiese dikututwasilanga (Nku. 41:1; Eyingidilu dia Agositu, 2018 luk. 19-20 tini kia 16-18)
Yave osadisanga awana besadisanga akaka (Nku. 41:2-4; Eyingidilu dia 15/12/2015 luk. 24-25 tini kia 7)
Tukembelelanga Yave vava tusadisanga akaka (Nku. 41:13; Nga. 14:31; Eyingidilu dia Setemba, 2017 luk. 14 tini kia 17)
UKIYUVULA: ‘Nga vena ye mpangi muna nkutakani ona ovuidi lusadisu o mfunu muna sadila e aplicativo JW Library?’
2. Tusalu twa Mwanda
(Min. 10)
Nku. 40:5-10—E sambu kia Davidi, adieyi kitulongele mu kuma kia fulu kia Yave nze Mfumu? (Perspicaz vol. 2 luk. 49)
Nkia diambu osolwele muna ntangilu aku a Bibila ya lumingu lwalu?
3. Ntangilu a Bibila
(Min. 4) Nku. 40:1-17 (th longi dia 12)
4. Mpila ya Yantikila e Moko
(Min. 3) SILA UMBANGI KUNA KINSALUKISA. Yantika e moko yo muntu una ku kiese. (Zolanga o Wantu longi dia 2 diambu dia 3)
5. Mpila ya Yantikila e Moko
(Min. 4) SILA UMBANGI KUNA KINSALUKISA. Yantika e moko yo muntu una wakendalala. (Zolanga o Wantu longi dia 3 diambu dia 5)
6. Kitula Wantu se Alongoki
(Min. 5) Zinga ye Kiese longi dia 14 diambu dia 6. Vovela diambu dimosi dina muna longi “Sanisina Yave Muna Nkutakani” vana kunku “Tala mpe oma Malende” yo nlongoki ona okalanga ye wonga wa vana e nkomena muna tukutakanu. (th longi dia 19)
Nkunga wa 138
7. Toma Lunga-lunganga Anunu
(Min. 15) Longi dia mbokena yo nkangu.
Yave oyangalelanga e salu kiakwikizi besalanga anunu muna nkutakani, oyeto mpe tuyangalelanga kio. (Ayib. 6:10) Mu mvu miami miawonso, mayingi bevanganga muna longa, ludika yo kasakesa mpangi zau. Kieleka, nanga ngeye kibeni mpe osungamene e mpila ina basadisila. Aweyi tulenda songela luyangalalu lweto muna mawonso bavanga ye bekwamanananga vanga muna nkutakani?
Songa e VIDEO ‘Vanganga Edi Diambote kwa Mpangi Zeto.’ I bosi, yuvula kwa nkangu:
Nkia mambu o mpangi Ji-Hoon kalongwa kwa mpangi Ho-jin Kang?
Nkia diambu otoma yangalelanga muna anunu a nkutakani eno?
Nkia diambu tulenda longoka muna nona kia Nsamaria?
Ekuma e ngindu za mpangi Ji-Hoon za bokelesa akaka mu kwenda sadisa mpangi Ho-jin Kang zakadila zambote?
Avo tutomene yindula o lusadisu luna ampangi bena vo anunu bevuanga o mfunu, tumona mpila zayingi tulenda kubasadisila. Avo omwene vo lusadisu bavuidi o mfunu, vanga diambu vana vau muna kubasadisa.—Yak. 2:15, 16.
Tanga Ngalatia 6:10. I bosi, yuvula kwa nkangu:
Mu nkia mpila olenda ‘vangila edi diambote’ kwa anunu a nkutakani eno?