7-13 KIA OKUTOBA
NKUNGA 92-95
Nkunga wa 84 ye Sambu | Mvovo Miantete (Min. 1)
1. O Sadila Yave i Mpila Zingu Kisundidi o Wete!
(Min. 10)
Yave wafwana sambilwa (Nku. 92:1, 4; Eyingidilu dia Abidi, 2018 luk. 28 tini kia 5)
Osadisanga nkangu andi mu baka nzengo zambote yo kala ye kiese (Nku. 92:5; Eyingidilu dia Novemba, 2018 luk. 23 tini kia 8)
Ovuanga o mfunu awana bekunsadilanga kana nkutu muna kinunu kiau (Nku. 92:12-15; Eyingidilu dia Yanuali, 2020 luk. 19 tini kia 18)
UKIYUVULA: ‘Nki kikunsimbanga mu yekola e zingu kiame kwa Yave yo vubwa?’
2. Tusalu twa Mwanda
(Min. 10)
Nku. 92:5—Aweyi e mvovo miami misongelanga e ngangu za Yave? (Finama Yave luk. 176 tini kia 18)
Nkia diambu osolwele muna ntangilu aku a Bibila ya lumingu lwalu?
3. Ntangilu a Bibila
(Min. 4) Nku. 94:1-23 (th longi dia 5)
4. Mpila ya Yantikila e Moko
(Min. 4) SILA UMBANGI KUNA KINSALUKISA. Vava konso lau mu zayisa kwa muntu e salu osalanga kia longa e Bibila. (Zolanga o Wantu longi dia 5 diambu dia 3)
5. Nkingula
(Min. 3) SILA UMBANGI KUNA KINSALUKISA. Kaya e longi dia Bibila kwa muntu una yo luzolo lwambote ona katondanga longoka ko muna mvu miavioka. (Zolanga o Wantu longi dia 8 diambu dia 4)
6. Kitula o Wantu se Alongoki
(Min. 5) Mokena yo nlongoki a Bibila ona ke nungunukanga ko. (Zolanga o Wantu longi dia 12 diambu dia 5)
Nkunga wa 5
7. Vava Aleke Betokananga Kwayingi
(Min. 15) Longi dia mbokena yo nkangu.
Awana besadilanga Yave benuananga mpe ye ntokani. Kasikil’owu, Davidi wanuananga ye ntokani za mpila mu mpila muna zingu kiandi, i diau mpe divangamanga kwa ayingi muna mpangi zeto o unu. (Nku. 13:2; 139:23) Diankenda vo kana nkutu aleke benuananga mpe ye ntokani zazi. Ezak’e ntangwa e ntokani zilenda kutufila mu badikila mambu tuvanganga nze kwenda ku sikola yovo lungana mu tukutakanu neti zitu diampwena. Zilenda nkutu kutufila mu mona wonga yovo lwakilwa kwa ngindu za kuyivonda.
Aleke, avo ntokani zasaka nunuananga zau, numokena yo mase meno yovo mpangi wazikuka. Nulomba mpe lusadisu lwa Yave muna sambu. (Fili. 4:6) Yandi okunusadisa. (Nku. 94:17-19; Yes. 41:10) Badika e nona kia mpangi Steing.
Songa e VIDEO Yave Okundunga-ndunganga. I bosi yuvula kwa nkangu:
• Nkia sono kia Bibila kiasadisa mpangi Steing? Ekuma?
• Aweyi o Yave kanlunga-lungila?
Amase, nulenda sadisa o wan’eno mu zizidila e ntelamw’a moyo muna kubawinikinanga kuna luzindalalu lwawonso, kubasonga o zola yo kubasadisa bakala ye ziku vo Yave zola kikilu kekubazolanga. (Tito 2:4; Yak. 1:19) Nubunda Yave e vuvu yo kala ye ziku vo okunufiaulwisa yo kunuvana o nkuma nuvuidi o mfunu muna sadisa o wan’eno.
Dialudi vo ke tuzeye ko kana nani muna nkutakani onuananga ye ntokani yovo ntelamw’a moyo. Kansi tulenda sadisa mpangi zeto benuananga ye diambu diadi muna songanga o zola kwa awonso yo kubasadisa babakula vo mfunu bena.—Nga. 12:25; Ayib. 10:24.