Nga Awana Bafwa Balenda Zinga Diaka?
Azeyi i mvutu zaku . . .
elo?
ve?
nanga?
ADIEYI E BIBILA KIVOVANGA?
“Vekala yo lufuluku.”—Mavangu 24:15, Nsekola ya Nz’ampa.
NKIA NLUTA DILENDA KUTWASILA?
Ofiaulwiswa avo ofwidilu nzolw’aku.—2 Korinto 1:3, 4.
Ovevoka muna wonga wa lufwa.—Ayibere 2:15.
Okala ye vuvu kiasikila kia mona diaka azolw’aku ana bafwa.—Yoane 5:28, 29.
NGA TULENDA KWIKILA MU MANA BIBILA KIVOVANGA?
Elo, kadi vena ye kuma tatu yamfunu:
Nzambi i Mvangi a moyo. Bibila kiyikilanga Yave wa Nzambi vo “nto a moyo.” (Nkunga 36:9; Mavangu 17:24, 25) O Yave ona ovananga moyo kwa vangwa yawonso ya moyo, ovuidi nkuma wavutulwisa moyo kwa awana bafwa.
Nzambi wafula wantu kuna nz’ankulu. Bibila kiyikanga wantu nana ana bafulwa. Vana kati kwau vakala aleke, ambuta, akala ye akento. Akaka bafulwa vana vau, kansi mosi muna yau lumbu yá kavanga muna ziami.—Yoane 11:39-44.
Nzambi una ye luzolo lwa fula diaka awana bafwa. Nzambi omenganga lufwa, obadikilanga lo se mbeni. (1 Korinto 15:26) Yave una ye kani dia sunda mbeni ndioyo muna fula awana bafwa. Una ye luzolo lwa fula awana bena muna nyindu andi kimana bazinga diaka ova ntoto.—Yobi 14:14, 15.