“Kiese Kw’awana Besongang’e Nkenda!”

1.Yave ozele ye nkenda,

Ntima mia nsongi kezola.

Fu yambote kezolanga

Nsatu zeto kelungisa.

Vo tuviluka o ntima

Tufwilw’e nkenda kwa Nzambi.

Ozeye vo tu’asumuki,

Osonganga nkenda zandi.

2.Vo tusumukini Nzambi,

Tufwete lomba ndoloki,

Yesu wateta e nzila

Tusamba kwa Nzambi’a nkenda:

‘Masumu meto loloka,

Akweto mpe tuloloka.’

Tusunda ntantu mu ntima

Ngindu zeto zivuvama.

3.Tusonga nkenda kwa wantu,

Tubasadisa mu mpasi.

Ke tuvavi saniswa ko,

Ke tumwangi mpe nsangu ko.

Nzambi zeye mawonsono,

Osendanga nkenda zeto.

Tusonga nkenda kwa wantu,

Twazolakana kwa Nzambi.