Lufimpu lwa Kunku kia 1
Badika yuvu ilende yo nlongi aku:
Nkia nsilu mia Bibila mu kuma kia kusentu mikuyangidikanga?
(Tala Longi dia 02.)
Ekuma okwikidilanga vo Bibila i Diambu dia Nzambi?
(Tala Longi dia 03 ye 05.)
Osadila nkumbu a Yave, ekuma dinina o mfunu?
(Tala Longi dia 04.)
Bibila kivovanga vo Nzambi i “nto a moyo.” (Nkunga 36:9) Nga okwikilanga muna mvovo miami?
(Tala Longi dia 06.)
Tanga Ngana 3:32.
Ekuma Yave kenena se Nkundi osundidi ona tulenda kala yandi?
Adieyi Yave kelombanga kwa akundi andi vo bavanga? Ekuma tulenda vovela vo mana Yave kekutulombanga twavanga ke mampasi ko?
(Tala Longi dia 07 ye 08.)
Tanga Nkunga 62:8.
Nkia mambu olombanga kwa Yave muna sambu? Nkia mambu mankaka ozolele lomba muna sambu?
Aweyi Yave kevaninanga e mvutu za sambu?
(Tala Longi dia 09.)
Tanga Ayibere 10:24, 25.
Nkia nluta olenda baka muna tukutakanu twa Mbangi za Yave?
Nga obenze vo diamfunu mu vanga ngolo za kwendanga muna tukutakanu?
(Tala Longi dia 10.)
Ekuma dinina o mfunu vo watanganga e Bibila lumbu yawonso? Nkia ntangwa otanganga e Bibila konso lumbu?
(Tala Longi dia 11.)
Tuka wayantikidi longoka e Bibila, nkia mambu oyangalele muna longi diaku?
Tuka wayantikidi longoka e Bibila, nga wawananene kala ye mambu mampasi? Adieyi dilenda kusadisa mu kwamanana longoka e Bibila?
(Tala Longi dia 12.)