Mvutu za Yuvu ya Nkand’a Nzambi

O Nkadi Ampemba akweyi katuka?

Nzambi kavanga Nkadi Ampemba ko. Nzambi wavanga mbasi ndiona wakituka se Nkadi Ampemba wa Satana. Yesu wavova vo vakala ye kolo kina Nkadi Ampemba kakala walunga ye nkwa ziku. Kuna lubantiku, Nkadi Ampemba mbasi ansongi ye mwan’a Nzambi kakala.—Tanga Yoane 8:44.

Aweyi mbasi ndioyo kakitukila se Nkadi Ampemba?

O mbasi ndiona wakituka se Nkadi Ampemba watelamena Nzambi yo vukumuna mase meto mantete muna kunyikama. Muna kuma kiaki, wakikitula se Satana, i sia vo “ntelameni.”—Tanga Etuku 3:1-5; Lusengomono 12:9.

Nze mbasi zakaka za Nzambi, o mbasi ndiona wakituka Nkadi Ampemba wakala mpe yo nswa wa kuyisolela i sia vo sola edi diambote yovo edi diambi, kansi wayima luzolo lwa sambilwa. O luzolo lwa kembelelwa lwasunda luzolo lwandi lwa yangidika Nzambi.—Tanga Matai 4:8, 9; Yakobo 1:13, 14.

Aweyi Nkadi Ampemba kevukumuninanga wantu yamu wau? Nga ofwete kumwena wonga? Olenda solola mvutu za yuvu yayi muna Nkand’a Nzambi.