Toma Lunga-lunga e Ntona Zaku

1. Aweyi i ntu a diambu wa lukutakanu lwa lumbu kimosi lwa mvu wa salu wa 2013? Adieyi i kani lukubikilu?

¹ Konso lumbu tuwanananga ye mambu malenda sia e ntona zeto mu vonza. Ekiaki i kuma o lukutakanu lweto lwa lumbu kimosi luyantika kina kiantete kia Setemba, 2012 lwinina yo ntu a diambu vo: “Toma Lunga-lunga e Ntona Zaku.” (1 Tim. 1:19) O lukutakanu lwalu lukubikilu y’ekani dia sadisa konso muntu mu yeto mu sia e sungididi mu mpila kesadilanga o lukau lwalu lwamfunu katuvana o Nzambi.

2. Nkia yuvu yamfunu ivaninwa e mvutu muna lukutakanu lwa lumbu kimosi?

² Sia e Sungididi Muna Mambu Mama: O lukutakanu lwalu luvana e mvutu za yuvu nsambwadi mu kuma kia ntona:

• Nki kilenda sia e ntona mu vonza?

• Aweyi tulenda longela e ntona zeto?

• Aweyi tulenda kuyivelelesela muna menga ma wantu awonso?

• O yindula yo zingila e ngwizani ye nkanikinu mia Nkand’a Nzambi aweyi disonganga mu kuma kieto?

• Aweyi tulenda vengela lweka akaka mu mambu matadidi ntona?

• Aleke, aweyi nulenda zizidila vava nutontwanga mu kulula nsiku mia Nzambi?

• Nkia nsambu bevwa awana beyambulanga vo mwand’avelela a Nzambi wafila e ntona zau?

3. Aweyi tulenda bakila nluta muna lukutakanu lwa lumbu kimosi?

³ Muna lusadisu lwa Yave tulenda sia Satana kitantu ona oyivisanga e ntona zeto. Muna Diambu dia Nzambi ye nkubik’andi, S’eto ezulu anzolwa okutuvovesanga vo: “Eyayi i nzila, nudiatila mo.” (Yes. 30:21) O lukutakanu lwalu, i mosi muna mpila o Yave kekutuvanina luludiku. Muna kuma kiaki, vanga e nkubika kimana wakala muna lukutakanu lwalu lwawonso. Toma tamba o matu yo badika una olenda sadila malongi mama muna zingu kiaku. Numokena y’esi nzo e malongi nutambula. Avo tulemvokela malongi tutambula, dikutusadisa mu kwamanana “kala ye ntona zambote” yo lembi vukumunwa mu nkembo mia nza yayi ya Satana.—1 Pe. 3:16.