Mpangi ankento osadilanga finkanda Nsangu Zambote kuna Madagascar
Nsunzula Zaleboka
EYINGIDILU
Kiuvu: Aweyi obenze wadi kala e nza kele vo wantu awonso balemvokela nkanikinu wau?
Sono: Ayi 13:18
Olenda vova: Nkand’a Nzambi ukutukasakesanga mu kala akwa ziku muna mambu mawonso. Muna kuma kiaki, tufwete kalanga akwa ziku muna mambu mawonso ma zingu kieto. Ediadi i diambu divovelo mu Eyingidilu diadi.
EYINGIDILU (lukaya lwansuka)
Kiuvu: Nzolele zaya e ngindu zaku muna kiuvu kiaki. [Tanga kiuvu kiantete.] Akaka bekwikilanga vo ku fulu kiankaka kekwendanga. Kansi akaka bevovanga vo lufwa i mfoko a mawonso. Azeyi i ngindu zaku?
Sono: Kim 9:5
Olenda vova: E longi diadi mayingi disasilanga mu kuma kia dina Nkand’a Nzambi uvovanga mu kuma kia diambu diadi. Nga olenda dio tanga? Tulenda dio badika lumbu kiakaka.
NSANGU ZAMBOTE ZITUKIDI KWA NZAMBI!
Olenda vova: Nzolele kuzayisa e nkubik’eto ya longi dia Nkand’a Nzambi dia ngovo. E finkanda fiafi fisonganga vana olenda sololwela e mvutu za yuvu yamfunu muna Nkand’aku a Nzambi.
Kiuvu: Nga watanga kala o Nkand’a Nzambi? Yambula yasonga una olenda bakila e mvutu mu sazu mu finkanda fiafi. [Nubadika kiuvu kia 1 vana longi dia 2.]
Sono: Lus 4:11
KUBIKA NSONGESELA MU MVOVO MIANGEYE KIBENI
Sadila e ndekwa zina va ntandu mu kubika nsunzula mu mvovo mia ngeye kibeni.