Tutomesa Ndekwa Zeto Muna Salu kia Umbangi​—Toma Sadilanga e Yuvu

EKUMA DININ’O MFUNU: Avo ‘luludiku muna ntim’a muntu luna nze maza mansini,’ e yuvu ina nze katini muna mo vola. (Nga 20:5) E yuvu ikutusadisanga mu tunta e sungididi kia awana bekutuwanga. E mvutu bevananga o wantu muna yuvu yatoma solwa nkumbu miayingi ikutuvananga e lau dia zaya mana wantu beyindulanga. Yesu watoma sadilanga e yuvu. Aweyi tulenda kuntanginina?

UNA TULENDA WO VANGILA:

• Sadilanga yuvu ilenda fila muntu mu vova dina keyindulanga. Yesu wayuvula yuvu yayingi mu zaya dina alongoki andi bayindulanga. (Mat 16:13-16; Beneficie-se, luk. 238 tini kia 3-5) Nkia yuvu olenda sadila ina ilenda fila muntu kavova dina keyindulanga?

• Sadilanga yuvu yamfunu. Muna singika ngindu za Petelo, Yesu wayuvula yuvu yo yika e mvutu zafila Petelo mu bakula e mbut’a diambu. (Mat 17:24-26) Nkia yuvu olenda yuvula mu sadisa muntu kabakula e mbut’a diambu?

• Sanisinanga awana bekuwanga. Vava nsoneki mosi ‘kavutulwila kuna ngangu,’ Yesu wansanisina. (Maku 12:34) Aweyi olenda sanisina muntu ovene mvutu za kiuvu?

SONGA E KUNKU KIANTETE KIA VIDEO, SALA SALU KINA YESU KASALA—LONGA, I BOSI VANA E MVUTU ZA YUVU ILENDE:

• Ekuma e nona kiaki ke kinina kiambote ko kana una vo mambu mayikilu mo maludi?

• Ekuma tufwete vangila mayingi vana fulu kia sasila kaka mambu?

SONGA E KUNKU KIAZOLE KIA VIDEO, SALA SALU KINA YESU KASALA—LONGA, I BOSI VANA E MVUTU ZA YUVU ILENDE:

• Aweyi o mpangi katoma sadila e yuvu?

• Nkia mambu makaka mena muna mpil’andi ya longela tulenda tanginina?