“Nukwamanana Badika Mambu Mama”

Nkia mambu? E sono kia Filipi 4:8 kivovanga vo twabadika yovo yindula mambu maludi, mazitu, mansongi, mavelela, ma zolakana, mawonso mevovelwanga e mbote, mawonso mambote ye mawonso ma lusanisinu. Ediadi ke disongele ko vo, ntangwa zawonso o Nkristu kafwete yindulanga kaka mambu ma Nkand’a Nzambi. Kansi, mana tuyindulanga muna ntima mafwete yangidikanga Yave. Tufwete venga mambu malenda kutufila mu yoyesa e kani dieto dia sikila ye kwikizi muna yandi.—Nku 19:14.

Tunuananga ye mpasi za venga e ngindu zambi. Dianu vo tufwete nuana yo usumuki weto yo umpukumuni wa Satana una vo i “nzambi a tandu kiaki.” (2 Kor 4:4) Kadi Satana i tuku dia nsangu zimwanganeswanga muna televizau, muna rádio, muna internete ye muna nkanda. Avo ke tutomene sola ko mana tusia muna ngindu zeto, e ngindu zeto zivukumunua kumosi ye kadilu kieto.—Yak 1:14, 15.

TALA E VIDEO, VENGA E FU ILENDA FWASA KWIKIZI KIAKU—NSAKA ZAMBI, I BOSI VANA E MVUTU ZA YUVU ILENDE:

• 

  Nkia diambu kamwene o mpangi muna telefone andi? Aweyi divangidi muna ngindu zandi?

• 

  Aweyi e sono kia Ngalatia 6:7, 8 ye Nkunga 119:37 kinsadisidi?