Uyisila Makani Muna Nsungi a Luyindulu

Konso mvu, o nkangu a Yave uvingilanga ye tima diawonso Luyindulu lwa lufwa lwa Kristu. Muna tumingu tuvitilanga Luyindulu ye kuna nim’a Luyindulu, tukalanga ye malau ma kembelela yo vutula matondo kwa Yave mu kuma kia lukau lwa lukûlu. (Efe. 1:3, 7) Kasikil’owu, tuvanganga mawonso muna bokelesa o wantu balungana yeto. Akaka bevanganga e nsobani muna nkubika zau kimana basala se aviti a nzila ansadisi muna vana ola 30 yovo 50 muna ngonde a Malusu yovo Abidi. Nga ozolele wokesa e salu kiaku kia umbangi muna nsungi a Luyindulu? Nki kilenda kusadisa mu vanga wo?

Vava tuteka kubamanga, mambu mayingi tulendanga lungisa. (Nga. 21:5) Wau vo e nsungi a Luyindulu mu finama ina, eyayi i ntangwa ofwete kubama. Yindula una olenda wokesela e salu kiaku kia umbangi muna nsungi a Luyindulu yo badika mana ofwete vanga muna lungisa makani maku. I bosi, samba kwa Yave kimana kasambula e ngolo zaku.—1 Yoa. 5:14, 15.

Nkia mambu olenda vanga muna wokesa e salu kiaku kia umbangi muna nsungi a Luyindulu?