Ntalu

33 I wau wuwu o nkangu a Isaele bakangalela vava bavaika muna nsi ya Engipito+ mu buka-buka,*+ muna lutumu lwa Mose yo Arone.+ 2 Mun’owu wa lutumu lwa Yave, Mose wasonekanga e fulu ina bayalukanga muna nkangalu au, owau i nkangalu bavanga tuka fulu eki yakuna fulu kiankaka:+ 3 Bakatukidi kuna Ramesese+ muna ngonde antete, muna lumbu kia 15 kia ngonde.+ Muna lumbu kialandila e Nduta,+ Aneyisaele bavaikidi ye vuvu kiawonso* vana meso ma esi Engipito awonso. 4 Muna kolo kiaki, esi Engipito bazikanga wan’antete awonso ana Yave kavonda vana kati kwau,+ kadi Yave wafundisa e nzambi zau yo kubatumba.+

5 Muna mpila yayi, Aneyisaele bakatukidi kuna Ramesese, bele sikidisa e ndo kuna Sukote.+ 6 I bosi, bakatukidi kuna Sukote, bele sikidisa e ndo kuna Etami,+ eyi ina muna mwingilu a makanga. 7 I bosi, bakatukidi kuna Etami, bavutukidi kuna Pi-akirote, eyi ina mantalani ye Bale-sefone,+ basikidisi e ndo mantalani ye Mingedole.+ 8 I bosi, bakatukidi kuna Pi-akirote yo viokela vana kati-kati kwa mbu,+ bele kuna makanga,+ bavangidi nkangalu wa lumbu tatu muna makanga ma Etami,+ bele sikidisa e ndo kuna Mara.+

9 I bosi, bakatukidi kuna Mara, balweke kuna Elime. Kuna Elime kwakala ye nto 12 za maza ye 70 lwa maba, muna diadi basikidisi e ndo vavana.+ 10 I bosi, bakatukidi kuna Elime, bele sikidisa e ndo muna nlambu a Mbu Ambwaki. 11 I bosi, bakatukidi kuna Mbu Ambwaki, bele sikidisa e ndo muna makanga ma Sini.+ 12 Bakatukidi muna makanga ma Sini, bele sikidisa e ndo kuna Dofeka. 13 Kuna kwalanda, bakatukidi kuna Dofeka, bele sikidisa e ndo kuna Alusi. 14 I bosi, bakatukidi kuna Alusi, bele sikidisa e ndo kuna Refidimi,+ kuna ke kwakala maza ko kimana o nkangu wanua. 15 I bosi, bakatukidi kuna Refidimi, bele sikidisa e ndo muna makanga ma Sinai.+

16 Bakatukidi muna makanga ma Sinai, bele sikidisa e ndo kuna Kiberote-atava.+ 17 I bosi, bakatukidi kuna Kiberote-atava, bele sikidisa e ndo kuna Kaserote.+ 18 I bosi, bakatukidi kuna Kaserote, bele sikidisa e ndo kuna Litema. 19 I bosi, bakatukidi kuna Litema, bele sikidisa e ndo kuna Rimone-perese. 20 I bosi, bakatukidi kuna Rimone-perese, bele sikidisa e ndo kuna Libena. 21 I bosi, bakatukidi kuna Libena, bele sikidisa e ndo kuna Risa. 22 I bosi, bakatukidi kuna Risa, bele sikidisa e ndo kuna Kelata. 23 I bosi, bakatukidi kuna Kelata, bele sikidisa e ndo kuna Mongo a Sefe.

24 I bosi, bakatukidi kuna Mongo a Sefe, bele sikidisa e ndo kuna Karada. 25 I bosi, bakatukidi kuna Karada, bele sikidisa e ndo kuna Makelote. 26 I bosi, bakatukidi+ kuna Makelote, bele sikidisa e ndo kuna Takati. 27 I bosi, bakatukidi kuna Takati, bele sikidisa e ndo kuna Tera. 28 I bosi, bakatukidi kuna Tera, bele sikidisa e ndo kuna Miteka. 29 Kuna kwalanda, bakatukidi kuna Miteka, bele sikidisa e ndo kuna Kasemona. 30 I bosi, bakatukidi kuna Kasemona, bele sikidisa e ndo kuna Moserote. 31 I bosi, bakatukidi kuna Moserote, bele sikidisa e ndo kuna Bene-yakani.+ 32 Bakatukidi kuna Bene-yakani, bele sikidisa e ndo kuna Kore-ngidengadi. 33 I bosi, bakatukidi kuna Kore-ngidengadi, bele sikidisa e ndo kuna Yotebata.+ 34 Kuna kwalanda, bakatukidi kuna Yotebata, bele sikidisa e ndo kuna Aberona. 35 I bosi, bakatukidi kuna Aberona, bele sikidisa e ndo kuna Esio-ngebe.+ 36 I bosi, bakatukidi kuna Esio-ngebe, bele sikidisa e ndo muna makanga ma Zini,+ i sia vo, Kadese.

37 Kuna kwalanda, bakatukidi kuna Kadese, bele sikidisa e ndo kuna Mongo a Ore,+ muna mwingilu a nsi a Edome. 38 Muna lutumu lwa Yave, Arone wa nganga otombokele kuna Mongo a Ore yo fwila kûna, muna mvu una wa 40 tuka Aneyisaele basisila e nsi ya Engipito, muna ngonde yatanu, muna lumbu kiantete kia ngonde.+ 39 Arone kimbuta kia mvu 123 kakala kiau vava kafwa kuna Mongo a Ore.

40 O ntinu a Aradi,+ wa Nkenani ona wazingilanga kuna Nengebe muna nsi ya Kenani, owidi vo Aneyisaele mu kwiza bena.

41 Kuna kwalanda, bakatukidi kuna Mongo a Ore,+ bele sikidisa e ndo kuna Salemona. 42 I bosi, bakatukidi kuna Salemona, bele sikidisa e ndo kuna Punone. 43 I bosi, bakatukidi kuna Punone, bele sikidisa e ndo kuna Obote.+ 44 I bosi, bakatukidi kuna Obote, bele sikidisa e ndo kuna Iye-abarimi, muna mwingilu a Moabe.+ 45 Kuna kwalanda, bakatukidi kuna Iyime,* bele sikidisa e ndo kuna Dibone-ngadi.+ 46 Kuna kwalanda, bakatukidi kuna Dibone-ngadi, bele sikidisa e ndo kuna Alemone-dibelataime. 47 I bosi, bakatukidi kuna Alemone-dibelataime, bele sikidisa e ndo kuna miongo mia Abarimi,+ mantalani ye Nebo.+ 48 Kuna kwalanda, bakatukidi muna miongo mia Abarimi, bele sikidisa e ndo kuna makanga ma Moabe muna nlambu a Yodani, vana ndambu a Yeriko.+ 49 Bakwamanene sikidisa e ndo muna nlambu a Yodani, tuka kuna Bete-yesimote yakuna Abele-sitimi,+ muna makanga ma Moabe.

50 Yave ovovese Mose muna makanga ma Moabe, muna nlambu a Yodani, vana ndambu a Yeriko, oku vo: 51 “Vovesa Aneyisaele vo: ‘Se nusauka o nkoko a Yodani, nuakota kuna nsi ya Kenani.+ 52 Nufwete yinga vana ntadisi eno awonso bezingilanga muna nsi, nufwete fwasa e teke yau yawonso ya matadi,+ e teke yau yawonso yasengwa,*+ nufwete wula e fulu yau yawonso besambidilanga e nzambi zau zaluvunu.*+ 53 Oyeno nuvua e nsi yo zingila mo, kadi omono ikunuvana kieleka e nsi se vua dieno.+ 54 Nufwete kayanesa e nsi se vua muna vumu yeno muna ntew’a nkas’a mienze.+ Avo e buka kianene, nufwete kudikila e vua diandi; avo buka kiakete, nufwete katulula e vua diandi.+ E vua dia konso muntu dikala vana vebwila e nkas’andi a mienze. Nutambula o ntoto eno se vua mun’owu wa makanda ma mase meno.+

55 “‘Kansi, avo ke nuyinga ko ova ntadisi eno ana bezingilanga muna nsi,+ awana nusisa o moyo bekala se mfisi omu meso meno ye nsende omu mpati zeno, bekunubangika muna nsi ina nuzingila.+ 56 Ivanga kwa yeno mana nkanini o vanga kwa yau.’”+