Nsiku
14 “Oyeno nu wan’a Yave wa Nzambi eno. Ke nuyilweki ko+ ngatu tenda e nsuki za nkut’a ndose zeno* mu kuma kia muntu ofwidi.+ 2 Kadi ongeye u nkangu avauka+ kuna kwa Yave wa Nzambi aku, o Yave wasola wakituka se nkangu andi, vua diandi diantalu, vana vena nkangu miawonso ova ntoto.+
3 “Kufwete dia konso lekwa kiangemi ko.+ 4 Eyayi i bulu nulenda dia:+ ngombe, mameme, nkombo, 5 mvanda, nkayi, nkoko, nkombo a miongo, nsesi, meme dia mfuta, meme dia miongo. 6 Oyeno nulenda dia konso bulu kina ye kole* yavambana mu ndambu zole, ye kivutukilanga tafuna madia kaminini kala. 7 Kansi, muna bulu ivutukilanga tafuna madia baminini kala yovo ina ye kole yavambana mu ndambu zole, eyi ke nudie ko: samo, nlumba ye nkandi, kadi bevutukilanga tafuna madia baminini kala, kansi ke bena ye kole yavambana mu ndambu zole ko. Bafunzuka kwa yeno.+ 8 Ke nudie mpe ngulu ko, kadi una ye kole yavambana mu ndambu zole, kansi ke vutukilanga tafuna madia kaminini kala ko. Wafunzuka kwa yeno. Ke nudie nsuni mia bulu yayi ko yovo simba mavimbu mau.
9 “Muna vangwa yawonso yamoyo ina muna maza, eyi nulenda dia: Konso lekwa kina ye maveve ye mavavala nulenda dia kweno.+ 10 Kansi, konso lekwa ke kina ye maveve ye mavavala* ko ke nufwete kio dia ko. Kiafunzuka kwa yeno.
11 “Nulenda kweno dia konso nuni yavelela. 12 Kansi, ke nudie nuni ezi ko: ngo-zulu, vulu, vungu dia ndombe,+ 13 kimbi kia mbwaki, kimbi kia ndombe, lunganga lwa mpila zawonso, 14 ngono za mpila zawonso, 15 seteleke, lubutia-butia, nkuku-ampela ye nkosi zamokena za mpila zawonso, 16 kutukudia, fungu, dibata dia maza, 17 lembe, vungu, mfimfi-a-maza, 18 nuni a yanga, kundangongo a mpila zawonso, nsiakoka yo lumpukunia. 19 E vangwa yawonso yakete ikiyilanga mu buka ina ye nsala, yafunzuka mpe kwa yeno. Ke ifwete diwa ko. 20 Nulenda dia konso vangwa kiamoyo kiavelela kitilumukanga.
21 “Ke nufwete dia konso bulu ko kiwanukini kiafwa.+ Olenda kio vana kwa nzenza ona wina omu mbanza zaku,* oyandi olenda kio dia kwandi, yovo kilenda tekwa kwa nzenza. Kadi ongeye u nkangu avelela kuna kwa Yave wa Nzambi aku.
“Kulambila mwan’a nkombo muna kimvumina kia ngudi andi ko.+
22 “Konso mvu, ofwete vana e tini kiakumi muna yawonso ivaikidi muna mbongo aku muna mpatu.+ 23 Ongeye odila e tini kiakumi kia mbwaza zaku, vinyu aku yampa, mazi maku, wan’antete a ngombe zaku yo wan’antete a mameme ye nkombo zaku vana ntadisi a Yave wa Nzambi aku, vana fulu kina kesola mu sia e nkumbu andi,+ kimana walongoka vumina Yave wa Nzambi aku yakwele mvu.+
24 “Kansi, avo nkangalu wandá kwa ngeye ye kulenda nata lekwa yayi yawonso ko kuna fulu kina Yave wa Nzambi aku kesola mu sia e nkumbu andi,+ wau vo e fulu kiokio kwandá kina (kadi o Yave wa Nzambi aku okusambula), 25 ozevo, ofwete teka e lekwa yoyo, ye nzimbu vana koko, wenda kuna fulu kina Yave wa Nzambi aku kesola. 26 I bosi, sadila e nzimbu mu sumba konso kina ozolele:* ngombe, meme, nkombo, vinyu ye malavu mankaka mankolwa ye konso lekwa kina ozolele;* i vana odila, vana ntadisi a Yave wa Nzambi aku yo yangalala, ongeye ye esi nzo aku.+ 27 Kubembola Nlevi ko ona wina omu mbanza zaku,+ kadi oyandi kena ye kunku ko yovo e vua vovo wina.+
28 “Kuna mfoko a konso mvu tatu, ofwete twasa e tini kiawonso kiakumi kia mbongo aku ya mvu wauna watatu, sia kio omu mbanza zaku.+ 29 Ozevo, o Nlevi ona kena ye kunku ko yovo e vua vovo wina, o nzenza, o mwana wakondwa e se yo nkento wafwilwa yakala, ana bezingilanga omu mbanza zaku beza ye badia yavana beyukuta,+ kimana o Yave wa Nzambi aku kasambula muna mawonso ovanga.+