Wanzole wa Samuele

2 I bosi, Davidi oyuvuidi Yave,+ oku vo: “Nga mfwete kwenda muna mbanza mosi a Yuda e?” Yave umvutwidi vo: “Wenda kwaku.” Davidi oyuvuidi diaka vo: “Nkia mbanza mfwete kwenda?” Umvutwidi vo: “Kuna Keberone.”+ 2 Davidi otombokele kûna ye akazi andi yau wole, Akinoame+ wa musi Yizerele ye Abingaile+ ona wakala nkaz’a Nabale wa musi Kamele. 3 Davidi onete mpe ana bakala yandi,+ konso muntu ye esi nzo andi, bakedi muna mavata ma Keberone. 4 Nkangu a Yuda bezidi, bakusidi Davidi se ntinu muna nzo a Yuda.+

Bavovese Davidi vo: “Esi Yabese-Ngiladi yau bazikidi o Saulu.” 5 Davidi otumini anati a nsangu kwa esi Yabese-Ngiladi, ubavovese vo: “Yambula Yave kanusambula, wau nusongele walakazi* kwa Saulu wa mfumu eno, nunzikidi.+ 6 Yambula Yave kanusonga walakazi ye ziku. Omono mpe ikunusonga ngemba wau nuvangidi diambu diadi.+ 7 Owau yambula moko meno makumama, nukala yo unkabu, kadi Saulu wa mfumu eno wafwidi, e nzo a Yuda bankusidi mazi kimana yakala se ntinu au.”

8 Abene+ wa mwan’a Ne, wa mfidi a makesa ma Saulu, obongele Isi-bosete+ wa mwan’a Saulu untwese kuna Makanaimi,+ kuna simu dia nkoko 9 untumbikidi kintinu kia Ngiladi+ ye Aneyasura yo Yizerele+ yo Eferaime+ yo Benyamini ye Isaele yawonso. 10 Isi-bosete wa mwan’a Saulu, mvu 40 kakala miau vava kayantika yala Isaele, mvu miole kayala. Kansi, e nzo a Yuda yayikama Davidi.+ 11 E kolo kina* Davidi kakala se ntinu a nzo a Yuda muna Keberone, mvu nsambwadi ye ngonde sambanu.+

12 Kuna kwalanda, Abene wa mwan’a Ne ye ntaudi za Isi-bosete wa mwan’a Saulu, bakatukidi kuna Makanaimi+ bele kuna Ngibone.+ 13 Yoabe+ wa mwan’a Seruya+ ye ntaudi za Davidi bavaikidi, bele wanana yau kuna sima kia Ngibone; e buka kimosi kifongele kuna sambu dimosi dia sima, e buka kiankaka kuna sambu diankaka. 14 I bosi, Abene ovovese Yoabe vo: “Yambula matoko batelama banuana* ova ndose eto.” Yoabe ovutwidi vo: “Yambula batelama.” 15 Dianu vo, matoko batelamene yo sauka, kuna sambu dia Isi-bosete wa mwan’a Saulu basolele matoko 12 muna wan’a Benyamini, kuna sambu dia ntaudi za Davidi mpe matoko 12. 16 Basimbanene o ntu muntu yo nkwandi, yo sukana nsosolo muna mpati, awonso babwidi kumosi. I dianu e fulu kiakina kiayikilwa vo, Kelekate-kazurime,* kina kuna Ngibone.

17 E vita yangolo kikilu e lumbu kiakina, Abene yo wan’a Isaele batufakeso kwa ntaudi za Davidi. 18 Wan’a tatu a Seruya+ i vana bakedi—Yoabe,+ Abisai+ yo Asaele;+ o Asaele watikunanga kwayingi nze nsesi muna nzanza. 19 Asaele olakamene Abene, kavilukidi kuna lunene ko ngatu kuna lumonso muna landa Abene. 20 Abene vava katadidi kunima, oyuvuidi vo, “I ngeye, Asaele?” ovutwidi vo, “Ingeta, i mono kwame.” 21 Abene umvovese vo: “Viluka kuna lunene yovo kuna lumonso, wabaka e toko yo bonga e lekwa yandi.” Kansi, Asaele kayambwidi kunlanda ko. 22 Abene ovovese diaka Asaele vo: “Yambula kundanda, ozolele vo yavonda? Aweyi itadila mpangi aku Yoabe?” 23 Asaele kayambwidi kunlanda ko, dianu vo Abene unsukidi nti a dionga muna vumu,+ e dionga ditompokele kuna nim’andi; obwidi yo fwila vâna. Awonso balwakanga vana vabwila Asaele yo fwa, baningamanga vavana.

24 Yoabe yo Abisai balakamene Abene. Una ntangwa se idimuka, balweke kuna kundubulu kia Ama kina mantalani ye Ngika muna nzil’a makanga ma Ngibone. 25 Anebenyamini bayikamene Abene, bakitukidi se vu kimosi yo kiatama vana kundubulu. 26 Abene obokele Yoabe vo: “Nga nsosolo ubukumuna yakwele mvu e? Nga kuzeye wo ko vo kuna mbaninu ndudi ukal’e? Nkia kolo osima nkangu aku bayambula lakama mpangi zau?” 27 Yoabe ovutwidi vo: “Ndidi e ndofi muna Nzambi aludi, kele vo kuvovi ko, o nkangu mu mene-mene kaka wadi yambula lakama mpangi zau.” 28 Yoabe osikidi mpungi, nkangu andi uyambwidi lakama wan’a Isaele, e vita ifokokele.

29 Abene yo wantu andi badiete o fuku wauna wawonso muna Araba,+ basaukidi Yodani yo viokela muna ndimba,* balweke kuna Makanaimi.+ 30 Yoabe ovutukidi muna lakama Abene, okutakese nkangu awonso. Muna ntaudi za Davidi mukondelo wantu 19 kumosi yo Asaele. 31 E ntaudi za Davidi batufakese Anebenyamini yo wantu bakala yo Abene, 360 bafwa. 32 Banete Asaele,+ banzikidi muna ziami kia se diandi kuna Beteleme.+ I bosi, Yoabe yo nkangu andi badiete fuku wawonso, vava kuma kwakia balweke kuna Keberone.+