Wanzole wa Samuele

20 Vavana vakala ye kimpumbulu kimosi nkumbu andi Seba+ wa mwan’a Bikere, wa Mbeyamini. Osikidi mpungi+ yo vova vo: “Katuna ye kunku ko muna Davidi, yovo vua muna mwan’a Yisai.+ Yeno awonso nuvutuka kwa nzambi zeno,* e Isaele!”+ 2 Aneyisaele awonso bayambwidi Davidi, balende Seba wa mwan’a Bikere;+ kansi Ayuda batatididi ntinu au tuka kuna Yodani yakuna Yerusaleme.+

3 Davidi vava kalweke kuna nzo* andi muna Yerusaleme,+ o ntinu obongele makangu kumi ana kasisa balangidilanga e nzo,+ ubasidi muna nzo mosi ye ayingidi babayingilanga. Wabadikilanga, kansi kasidi leka yau diaka ko.+ Bakangidilwa yamuna lumbu kia lufwa lwau, kana una vo nkaz’au moyo kakala, oyau bakedi nga mpumpa.

4 O ntinu ovovese Amasa vo:+ “Umbokelela Ayuda muna lumbu tatu beza kutakana yame, ongeye mpe ofwete kwiza.” 5 Amasa wele bokela Ayuda, kansi oviokese ntangwa ina kansila. 6 Davidi ovovese Abisai vo:+ “Seba+ wa mwan’a Bikere nanga oluta kutuvanga e mpasi ke mu Abesalome ko.+ Dianu vo, bonga selo ya mfumu aku, unlanda kalembi kota muna mbanza zangolo yo tina.” 7 Wantu ana bakala yo Yoabe,+ Akerete, Apelete+ ye makesa mawonso banlakamene; bavaikidi muna Yerusaleme, balakamene Seba wa mwan’a Bikere. 8 Vava bafinamene vana tadi dianene dia Ngibone,+ o Amasa+ wizidi kubakika. Yoabe ovuete nuaninua ye mponda ina yakangamena o nsosolo mu luketo. Vava kafinamene Amasa, nsosolo andi ubwidi.

9 Yoabe ovovese Amasa vo: “E mpangi ame, nga una kiambote?” Yoabe osimbidi nzevo za Amasa muna koko kwalunene nze yandi ozolele kumfiba. 10 Amasa kayitanina ko muna nsosolo wakala vana koko kwa Yoabe, o Yoabe unsukidi wo muna vumu,+ e ndia miandi mivaikidi, mibwidi vana ntoto. Kansuka wo diaka ko; una wantete kansuka wafwana kwandi muna kumvonda. I bosi, Yoabe yo mpangi andi Abisai balakamene Seba wa mwan’a Bikere.

11 Mosi muna matoko ma Yoabe, otelamene vana ndambu a Amasa, ovovele vo: “Ndiona una kuna sambu dia Yoabe, ona wina ku sambu dia Davidi, yambula kalanda Yoabe.” 12 Amasa wavindumukanga vana menga mandi muna nzila. E toko vava kamona vo wantu awonso baningamanga, okatwidi Amasa muna nzila, unsidi kuna mfuta. I bosi umfukidi o nlele, kadi omwene vo konso muntu walwakanga vâna waningamanga. 13 Vava kakatulwa muna nzila, wantu awonso balende Yoabe, balakamene Seba+ wa mwan’a Bikere.

14 Seba wele, oviokele muna makanda mawonso ma Isaele kuna Abele ya Bete-maka.+ Anebikere awonso bakutakene, bele anlandi.

15 Yoabe yo wantu andi bezidi kunzunga kuna Abele ya Bete-maka, babumbikidi ntoto muna nuanisa e mbanza, kadi yazungwa yaka yandá. Nkangu awonso wakala yo Yoabe, uyantikidi tima kuna nsi a yaka kimana babwisa kio. 16 Nkento mosi wa nkwa ngangu okazidi muna mbanza, oku vo: “Nuwá, nuwá! Dodokolo, nuvovesa Yoabe vo ‘Keza yamokena yandi.’” 17 Yoabe umfinamene, o nkento ovovele vo: “Nga ngeye i Yoabe?” Ovutwidi vo: “I mono.” O nkento umvovese vo: “Wá e mvovo mia ntaudi aku.” Ovutwidi vo: “Mu wá ngina.” 18 Nkento ovovele vo: “Kuna nz’ankulu diavovuanga vo: ‘Yambula benda yuvula kuna Abele, i una bazengelanga o mambu.’ 19 Omono, akwa luvuvamu ye akwa kwikizi a Isaele isunzulanga. Ngeye ovavanga fwasa e mbanza ina nze ngudi muna Isaele. Ekuma ozolele fwasila* e vua dia Yave?”+ 20 Yoabe ovutwidi vo: “Kilendi fwasa mbanza yayi ko ngatu fukisa yo. 21 Ke diau ko ngizidi. Kansi, muntu mosi wa musi zunga kia miongo mia Eferaime,+ nkumbu andi Seba+ wa mwan’a Bikere, wakolamene* Davidi wa Ntinu. Avo okunyekola, ikatuka omu mbanza.” O nkento ovovese Yoabe vo: “Tala, ikutubila o ntu andi vana yaka!”

22 O nkento wa ngangu wele mokena yo nkangu wawonso, bazengele ntu a Seba wa mwan’a Bikere, batubidi wo kwa Yoabe. Yoabe osikidi mpungi, bakatukidi muna mbanza, konso muntu muna yau wele kuna nzo andi;+ Yoabe ovutukidi kwa ntinu kuna Yerusaleme.

23 Yoabe i mfumu a vu kia makesa mawonso ma Isaele;+ Benaya+ wa mwan’a Yoyada,+ i ntu a Akerete ye Apelete.+ 24 Adorame+ i mfidi mun’awana basalanga salu yangolo; Yosafate+ wa mwan’a Akiludi i nsoneki a lusansu. 25 O Seva i nsoneki; Sadoke+ yo Abiata+ i anganga. 26 O Ira wa Nyaire i mbanda-mband’a* Davidi.