Wanzole wa Ntinu

24 Muna lumbu ya Yoyakime, Nebukandesa wa Ntinu+ a Babele otombokele kwa yandi, Yoyakime okedi se ntaudi andi mu mvu ntatu. Kansi, otelamene Nebukandesa ye kunkolamena. 2 O Yave untwikidi buka kia makesa ma Akaladi,+ ma Suria, ma Moabe ye buka kia makesa ma Aneyamone. Okwamanene kubatuma muna Yuda, kimana bafwasa yo mun’owu wa diambu dia Yave+ dina kavova kwa selo yandi, angunza. 3 Kieleka, ediadi diavangama muna Yuda muna lutumu lwa Yave kimana kabakatula vana meso mandi+ mu kuma kia masumu mawonso ma Manese,+ 4 yo menga ma minkondwa-kuma mana kabungula+ yo zadisa mo muna Yerusaleme, i dianu Yave kazola kubalolokela ko.+

5 Vo i mambu mankaka ma lusansu lwa Yoyakime ye mawonso kavanga, nga ke masonama ko muna nkand’a lusansu lwa ntinu mia Yuda?+ 6 I bosi, Yoyakime olele yo mase mandi;+ mwan’andi Yoyakine oyantikidi yala vana fulu kiandi.

7 O ntinu a Engipito kasidi vaika diaka muna nsi andi ko, kadi o ntinu a Babele wakutumuna yawonso yavuwa kwa ntinu a Engipito,+ tuka kuna Ndimb’a Engipito+ yakuna Nzadi a Uferate.+

8 Yoyakine+ mvu 18 kakala miau vava kayantika yala, ngonde tatu kayala muna Yerusaleme.+ E nkumbu a ngudi andi Nekuseta wa mwan’a Elenatane wa musi Yerusaleme. 9 Wavanganga mambu mambi vana meso ma Yave, wauna kavanga se diandi. 10 Muna ntangwa yayina, e ntaudi za Nebukandesa wa Ntinu a Babele batombokele kuna Yerusaleme, bazungidi e mbanza.+ 11 Nebukandesa wa ntinu a Babele wizidi muna mbanza ekolo ntaudi zandi bazunga yo.

12 Yoyakine wa ntinu a Yuda ukitambikidi kwa ntinu a Babele+ kumosi yo ngudi andi, ntaudi zandi, amfumu ye mbanda-mbanda zandi;+ o ntinu a Babele unete kuna kinkole muna mvu wa nana wa luyalu lwandi.+ 13 Nze una Yave kavova, o ntinu a Babele obongele lusalu lwawonso lwa nzo a* Yave ye lusalu lwa nzo a ntinu,+ owudidi salanganu yawonso ya wolo ina Solomo wa ntinu a Isaele kavanga muna tempelo a Yave.+ 14 Onete Yerusaleme yawonso muna kinkole,+ mfumu zawonso, makesa mawonso, akwa umbangu awonso, ye avangi awonso a lekwa ya sengwa*+—onete 10.000 ma wantu muna kinkole. Ke mwasala wantu ko, nanga asukami a nsi kaka.+ 15 I ndata kanete Yoyakine+ muna kinkole muna Babele;+ onete mpe kuna Babele awana bayalulwa muna Yerusaleme, ngudi a ntinu, akazi a ntinu, mbanda-mbanda zandi ye akwa tunda a nsi. 16 O ntinu a Babele onete mpe kuna kinkole muna Babele, 7.000 ma makesa ye 1.000 dia akwa umbangu ye avangi a lekwa ya sengwa,* awonso akwa ngolo, balongwa nuana e vita. 17 O ntinu a Babele otumbikidi Mataneya wa se diandi dia nleke+ se ntinu vana fulu kiandi, unsobele nkumbu vo Sedekiya.+

18 Sedekiya mvu 21 kakala miau vava kayantika yala, mvu 11 kayala muna Yerusaleme. E nkumbu a ngudi andi Kamutale+ wa mwan’a Yeremiya wa musi Libena. 19 Wakwamanana vanga mambu mambi vana meso ma Yave, mun’owu wa mawonso mana Yoyakime kavanga.+ 20 Mambu mama mavangama muna Yerusaleme ye Yuda mu kuma kia makasi ma Yave, yavana kabayinga vana ndose andi.+ Sedekiya wakolamena ntinu a Babele.+