Wanzole wa Ntinu
19 Vava Kizekeya wa ntinu kawidi wo, otiazwini mvuatu miandi, ovuete ngoto, okotele muna nzo a Yave.+ 2 I bosi, otumini Eleyakime ona wavitanga o ntu muna nzo,* yo Sebena wa nsoneki ye akuluntu vana vena anganga ana bavuete ngoto, benda kwa Yesaya wa ngunza+ wa mwan’a Amoze. 3 Bamvovese vo: “I wau wuwu kavovele o Kizekeya, ‘E lumbu kiaki lumbu kiampasi, kialusembo* ye kiansoni; kadi o wana bazolele wutuka, kansi o ngudi kena ye ngolo za wuta ko.+ 4 Nanga o Yave wa Nzambi aku owá e mvovo mia Rabesake, ona otuminu kwa mfumu andi, o ntinu a Asuri, kimana keza fidisa Nzambi amoyo+ e mpaka, o Yave wa Nzambi aku kamvuntulwila mun’owu wa mvovo mina kawidi. Muna kuma kiaki, samba+ muna wete dia nkangu una o moyo.’”
5 Muna diadi, e selo ya Kizekeya wa Ntinu bele kwa Yesaya,+ 6 o Yesaya ubavovese: “I wau wuwu nuvova kwa mfumu eno, ‘I wau wuwu kavovele o Yave: “Kumoni wonga ko+ mu kuma kia mvovo mina owidi, e mvovo mia lutiangu mina e selo ya ntinu a Asuri bavovele mu kuma kiame.+ 7 Kadi ivilakesa e ngindu zandi,* owá e nsangu yo vutuka kuna nsi andi; ikumfila kafwila muna nsosolo muna nsi andi.”’”+
8 Vava Rabesake kawidi vo ntinu a Asuri okatukidi kuna Lakisi,+ wele kwa yandi, unwene ekolo kenuanisanga Libena.+ 9 I bosi, o ntinu owidi e nsangu mu kuma kia Tinkaka wa Ntinu a Etiopia vo: “Oyandi ovaikidi keza nuana yaku.” Muna kuma kiaki, otumini diaka anati a nsangu+ kwa Kizekeya, oku vo: 10 “I wau wuwu nuvovesa Kizekeya wa ntinu a Yuda, ‘Kuyambula ko vo Nzambi aku ona obundanga e vuvu kavuna, oku vo: “Yerusaleme ke iyekolwa vana moko ma ntinu a Asuri ko.”+ 11 Tala! Ongeye owidi mana atinu a Asuri bavangidi muna nsi zawonso, e mpila bafwasidi zo.+ Nga obenze vo ngeye kaka ovuluka e? 12 E nzambi za zula, nga zavuluza e zula ina akulu ame bafwasa e? Akweyi ina e Ngozane, Karani,+ Rezefe yo nkangu a Edene una wakala muna Telasa? 13 Akweyi kena o ntinu a Kamati, ntinu a Ampadi yo ntinu a mbanz’a Sefavayime, a mbanz’a Ena ye Iva?’”+
14 Kizekeya otambwidi e nkanda vana moko ma anati a nsangu, otangidi mio. I bosi, Kizekeya otombokele kuna nzo a Yave, oyalumwini mio* vana ntadisi a Yave.+ 15 Kizekeya oyantikidi samba+ vana ntadisi a Yave, oku vo: “E Yave wa Nzambi a Isaele, ovuende vana kunda kia kimfumu vana ntandu a* akelubi,+ ngeye kaka i Nzambi aludi muna yintinu yawonso ova ntoto.+ Ngeye wavanga e zulu ye ntoto. 16 E Yave, tamba o matu maku yo wá!+ E Yave, temona o meso maku+ yo mona! Wá e mvovo miawonso mina Sankerebe katumini mu tonta Nzambi amoyo. 17 Kieleka, e Yave, atinu a Asuri bafwasidi e nsi zawonso kumosi ye nsi zau.+ 18 Batubidi e nzambi zau vana tiya, kadi ke nzambi ko,+ kansi salu ya moko ma wantu,+ nti ye matadi. I kuma bafwasidi zo. 19 Kansi owau, e Yave wa Nzambi eto, dodokolo utuvuluza vana moko mandi kimana yintinu yawonso ya nza yazaya wo vo ngeye kaka i Nzambi, e Yave.”+
20 I bosi, Yesaya wa mwan’a Amoze otwikidi nsangu ezi kwa Kizekeya: “I wau wuwu kavovele o Yave wa Nzambi a Isaele: ‘Ngwidi e sambu+ kiaku osambidi mu kuma kia Sankerebe wa Ntinu a Asuri.+ 21 Edi kavovele o Yave mu kuma kiandi:
“O mwenze wa mwan’ankento a Zione uvezele yo kuseva.
O mwan’ankento a Yerusaleme uninginisini o ntu.
22 Nani ofidisi e mpaka yo tianguna?+
Nani ozangulwidi e ndinga aku+
Ye nani osengolwele meso maku ma lulendo e?
Kwa Mvauki a Isaele!+
Itomboka kuna mbata za miongo,
Kuna zunga ya Lebanone ina kwandá kikilu.
Kesa ikesa nti miandá mia nsedele ye sipelese zandi zambote.
Ikota muna matininu mandi mena kwandá kikilu, muna mfinda zandi za nkaki.
24 Itimuna e sima yo nua maza ma nsi a kinzenza;
Iyumisa nkoko* miawonso mia Engipito muna tambi yame.’
25 Nga kuwidi ko e? Ediadi se kolo diasikidiswa.*+
Yakubika* dio+ tuka muna lumbu ya nz’ankulu.
Owau ilungisa dio.+
Ongeye okitula e mbanza za zungwa e yaka se mazumbu.+
26 O nkangu au ke ukala ye ntanini ko;
Bezakama yo wonga yo fusulwiswa e nsoni.
Bekituka nze titi ya nzanza ye titi yankunzu,+
Nze titi imenene vana nkala yo yumiswa kwa tembwa kia este.
27 Kansi, ntomene zaya vava ovuandanga, vava ovaikanga ye vava okotanga,+
Ye vava okumfungilanga makasi,+
28 Kadi o makasi umfungidi+ ye nkwit’aku ilweke mu matu mame.+
Muna kuma kiaki, isia luvaku lwame muna nzunu aku ye bindikilwa+ muna nu’aku,
Ikuvutulwisa muna nzila ina wizidi.”+
29 “‘Ekiaki kikala se sinsu kwa ngeye:* Omu mvu wau oyeno nudia ina ikuyimenena;* muna mvu una wanzole nudia mbwaza za makunde ma ina ikuyimenena;+ kansi muna mvu una wantatu, nukuna yo vela mbongo, nukuna mpatu za vinyu yo dia e bundu yandi.+ 30 Awana bevuluka muna nzo a Yuda, i sia vo, awana besala,+ bemena e mianzi kuna nsi yo yima bundu muna tayi. 31 Kadi muna Yerusaleme muvaika nsadiswa, muna Mongo a Zione muvaika awana besala o moyo. O vema kwa Yave a vu kuvanga wo.+
32 “‘Ozevo, i wau wuwu kavovele o Yave mu kuma kia ntinu a Asuri:+
“Ke kota mu mbanza yayi ko+
Yovo tuba mo e nzanza
Yovo nuanisa yo muna ngubu
Ngatu bumbila yo e kundubulu mu nuanisa yo.+
33 Muna nzila ina kezidi, i mûna kevutukila;
Oyandi ke kota mu mbanza yayi ko,” u kavovele o Yave.
34 “Itanina e mbanza yayi+ yo vuluza yo mu kuma kia nkumbu ame+
Ye mu kuma kia Davidi wa selo kiame.”’”+
35 Muna fuku wauna, o mbasi a Yave ovaikidi, ovondele 185.000 ma wantu muna ndo ya Asuri.+ Vava nkangu wasikama muna mene-mene, wamona mavimbu mawonso.+ 36 Muna kuma kiaki, Sankerebe wa Ntinu a Asuri okatukidi, ovutukidi kuna Ninive+ yo kala kûna.+ 37 Vava kavumbamenenge muna nzo* a Niseroke wa nzambi andi, o wan’andi, Andameleke yo Sareze bamvondele muna nsosolo,+ batinini kuna nsi ya Ararate.+ Esa-kadone+ wa mwan’andi oyantikidi yala vana fulu kiandi.