Wanzole wa Paulu Kuna kwa Esi Korinto

13 Wau i nkumbu wantatu nkubamene mu kwiza kunukingula. “Muna kimbangi kia* wantu wole yovo atatu i mufwete sikidisilwa mambu mawonso.”+ 2 Kana una vo kina vo ko, dina nze mono ngina vo muna nkumbu wanzole, ndukisi diaka awana bateka sumuka ye ankaka mpe, avo ngizidi diaka, tumba ikubatumba, 3 wau nuvavanga e ziku kana vo Kristu, ona walembi tovoka kwa yeno, kansi wakumama kaka vovo nuina, mu mono kikilu kevovelanga. 4 Kadi wavondelwa vana nti mu kuma kia lutovoko, kansi muna nkum’a Nzambi una o moyo.+ Oyeto mpe tutovokele yandi, kansi tukala o moyo yo yandi+ mu kuma kia nkum’a Nzambi kuna kwa yeno.+

5 Nukwamanana kukifimpa kana vo mu lukwikilu nuina; nuvavanga zaya e mpila muntu lwina.+ Nga ke nuzeye wo ko vo Yesu Kristu una yeno entwadi e? Avo ke wau ko, ke nutondakana ko. 6 Ngina kikilu ye vuvu vo nusinga wo zaya vo oyeto twatondakana.

7 Owau tusambidi kwa Nzambi kimana nualembi vanga diambu diambi, ke mu sia ko vo oyeto twamoneka vo twatondakana, kansi oyeno nuavanga edi diambote, kana nkutu tumonekene vo ke twatondakana ko. 8 Kadi katulendi vanga diambu ko muna telamena e ludi, kansi muna wete dia ludi kaka. 9 Tuyangalalanga avo tutovokele kansi oyeno nukumamene. I diau diadi tulombanga muna sambu kimana nuasingikwa. 10 Ekiaki i kuma nsonekene mambu mama wau kina ko ko, vava ikwiza, yalembi kala nkwa ntim’a mbâdi muna sadila wisa kina yavewa kwa Mfumu+ muna kumika ke mu bwisa ko.

11 Muna fokola, ampangi, nukwamanana yangalala, nusingama, nukifiaulwisa,+ nukalanga yo nyindu mosi,+ nukalanga yo ungudi;+ o Nzambi a zola yo luvuvamu+ okala yeno. 12 Nukayisa muntu yo nkwandi ye mfiba avelela. 13 Avauki awonso banutwikidi mavimpi.

14 E nsambu za Mfumu Yesu Kristu yo zola kwa Nzambi yo mwand’avelela una tutambulanga kumosi wakala yo yeno awonso.