Maku
16 E lumbu kia Vundu vava kiavioka, Maria Mandala yo Maria wa ngudi a Yakobo, yo Salome, basumbidi má yansunga, benda yo kusa muna vimbu diandi. 2 Muna mene-mene, muna lumbu kiantete kia lumingu, vava kiavaik’e ntangwa, balueke vana ziami. 3 Bavovazianene vo: “Nani okutunengomwen’e tadi vana mwelo a ziami?” 4 Kansi, una batadidi, bamwen’e tadi dianengomonwa kala, kana una vo diampwena kikilu diakala. 5 Una bakotele muna ziami, bamwene toko divuende kuna koko kwalunene, ovuete mvuel’ampembe, basivikidi kikilu. 6 Ubavovese vo: “Ke nusivika ko. Nzeye wo vo Yesu wa Nazarete ona wavondelo vana nti nuvavanga. Ofulukidi kwandi. Kena mo ko. Tal’e fulu banlekesa! 7 Nwenda zayisa kw’alongoki andi yo Petelo vo, ‘Vita kekunuvita kuna Ngalili. Kuna nukumuena, wauna kanuzayisa.’” 8 Una bavaikidi muna ziami, batinini, bazakamene yo sivika. Ke basamunwini muntu diambu ko, kadi wonga bamwene.*