12. (a) O Yesu adieyi kavova mu kuma kia ntemo a mwanda? (b) Aweyi tulenda temesena ntemo eto?

¹² Tulenda kadila yo wantu mu mpil’ambote avo tubasadisi mu vwa ntemo a mwanda utukanga kwa Nzambi. (Nku. 43:⁠3) Yesu wavovesa alongoki andi vo yau i “ntemo a nza” yo kubavovesa vo batemesa ntemo au, kimana wantu bamona ‘mavangu mau mambote.’ Mavangu mama metwasa ntemo muna mwanda “vana vena wantu,” yovo twasa e nluta kwa wantu. (Tanga Matai 5:​14-16.) O unu, tutemesanga ntemo eto vava tuvangang’o wete kwa mfinangani zeto yo samuna e nsangu zambote “muna nza yawonso” i sia vo, “muna zula yawonso.” (Mat. 26:13; Maku 13:​10) Ekwe lau diampwena tuvwidi!

15. ‘Mavangu meto mambote’ nkia nluta metwasanga kwa wantu?

¹⁵ O Yesu vava kamana vova oma ma temesa e mini, wavovesa alongoki andi vo: “I ntemesa nutemesa ntemo eno vana vena wantu, bamona mavangu meno mambote, bakembela S’eno wina kun’ezulu.” Muna kuma kia ‘mavangu meto mambote,’ akaka ‘bekembelanga’ Nzambi yo kituka se selo yandi. Ediadi dikutuvananga kiese mu zindalala temesa ‘mini muna nza.’​—⁠Fili. 2:⁠15.

16. O kala se “ntemo a nza,” aweyi divavanga kwa yeto?

¹⁶ O kala se “ntemo a nza,” divavanga vo twasamunang’e nsangu zambote za Kintinu yo kitula wantu s’alongoki. Kansi, vena mpe ye diambu diakaka divavwanga kwa yeto. Paulu wa ntumwa wasoneka vo: “Se nukangala nze wan’a ntemo kadi mbongo a ntemo ina muna wawonso wawete, ye nsongi, ye ludi.” (Ef. 5:​8, 9) E fu yeto ifwete kalang’e ngwizani ye nsiku mia Nzambi. Ikuma vo, tufwete lemvokela elongi dia Petelo wa ntumwa: “Nwakala nkal’ambote vana vena zula; mun’owu bekunukùmbila, nze nu mimpanga-mayi, muna mavangu meno mambote betalanga, bakembelela Nzambi muna lumbu kiankingulwa.” (1 Pet. 2:​12) Kansi, adieyi tuvanga kele vo vabwidi diambu vana kati kweto?